Ifan Dafydd

Noder nad yr un person yw'r actor Ifan Huw Dafydd

Cerddor, cynhyrchydd, cyfansoddwr a pherfformiwr cerddoriaeth pop Cymraeg o Wynedd yw Ifan Dafydd. Roedd yn aelod o'r band Derwyddon Dr Gonzo. Mae'n cyhoeddi cerddoriaeth yn y Gymraeg a'r Saesneg. Galwyd ef yn "athrylith cerddoriaeth electroneg" yn y cylchgrawn Y Selar. Mae ei gerddoriaeth Gymraeg hefyd wedi ei chwarae ar orsafoedd radio Saesneg megis BBC Radio 6 Music.

Mae cerddoriaeth Ifan yn cyfuno'r allweddell a seiniau breuddwydiol electronig neu ddawns ac yn aml yn ailgymysgu neu addasu caneuon. Gwnaeth cân Saesneg Emeli Sandé, ‘Daddy’ (ft. Naughty Boy)’ bu iddo ailgymsgu, groesi 1 miliwn ffrydiad ar Spotify yn 2021..

Un o'i draciau mwyaf cyfarwydd yw fersiwn ganddo yntai a Thallo (Elin Edwards) o gân Aderyn Llwyd a berfformiwyd yn y Gymraeg yn wreiddiol gan Mary Hopkin ond sy'n cyfieithiad o gân Gallagher & Lyle The Sparrow a Llonydd gydag Alys Williams a ryddhawyd ar record finyl las yn 2013.

Cydweithio

Mae llawer o waith Ifan Dafydd yn brosiectau cydweithio gydag artistiaid eraill. Yn eu mysg mae:

• Eädyth Crawford, Endaf ar trac Disgwyl a ryddhawyd ar gyfer Dydd Miwsig Cymru 2020
• Carwyn Ellis a Rio 18 a'r gân Olion a ryddhawyd gan Recordiau Côsh
• Thallo (Elin Edwards) a'r gân I dy Boced a ryddhawyd gan Recordiau Côsh
• Lleuwen a'r gân Bendigeidfran Recordiau Sain
• Alys Williams, Llonydd Recordiau Lliwgar Croesodd 50,000 gwrandawiad ar Sound Cloud yn 2013, dros 300,000 erbyn 2018 ac wedi pasio 444,000 ffrydiad ar Spotify erbyn mis Medi 2021.

Mae Ifan wedi rhyddhau neu ymddangos a chydweithio ar 3 albwm:

• No Good / Miranda
• Treehouse
• Y Record Las

• Ifan Dafydd ar SoundCloud
• Ifan Dafydd ar Facebook
• Ifan Dafydd ar Twitter