Idoia Aierbe Iribar

Idoia Aierbe Iribar (Donostia, 1962 - Donostia 2018). 1985eko azaroaren 26an, Guardia Zibilak Aierbe, Mikel Zabalza mutil-laguna, Ion Arretxe eta Manuel Bizkai atxilotu zituen. Zabalza hil eta beste hirurak baldintzarik gabe aske utzi zituzten, torturak pairatuta bada ere.

2018ko abenduaren 4an hil zen, 56 urte zituela, Mikel Zabalzaren heriotzari buruz aitortza ofizialik ezagutu gabe. Idoia Aierbe omentzeko ibilaldia antolatu du Mikel Zabalza Herri Ekimenak.

Beti azaldu zuen bere testigantza heriotza horren inguruan.

2020ko irailean, Non dago Mikel? dokumentala aurkeztu zuten Donostiako Zinemaldian. 2021eko otsailaren 25ean Hego Euskal Herriko zinema-aretoetan estreinatu zuten.

2020ko abenduan Donostiako Udalak omenaldia egin zion, udal autobus konpainiako langilea baitzen Mikel. Ekimenak aurrera egin zuen talde guztien adostasunarekin (EAJ, PSE, EH Bildu, PP eta Elkarrekin Donostia).

Udalbatza-aretoan egindako ekitaldian Donostiako bandera eta plaka bat hantxe izan ziren. Eneko Goia alkateak omenaldian gogoratu zuen Zabaltza Donostiako Tranbia Konpainiaren langilea zela. Erantzukizuna, boterea eta gaitasuna dutenek auzia argitzen lagundu zezatela eskatu zuen, Zabaltzaren senideek eta adiskideek zauriak itxi ahal izateko, ezinbesteko pausoa zela; izan ere, zauriek zabalik segitzen zutela handik 35 urtera. Lourdes Zabaltza arrebak ahanztura saihesteko Udalaren laguntza eskertu zuen. Gainera, Altza auzoko San Martzial plazan 'Mikelen Txokoa' inauguratu zuten, Zabaltzaren oroimenerako tokia.

• Mikel Zabalzaren amarekin justizia-eske 1995ean

• Mikel Zabalzaren amarekin justizia-eske (Egunkaria,1995)

• Mikel Zabaltza herri-ekimena

• Mikelen Txokoa

• Mikelen Txokoa - Altza (2020)

• (Gaztelaniaz) Idoia Aierbe confirma su denuncia de torturas (Ahotsa Info, Youtube,2015-12-17)
• Non Dago Mikel? dokumentala eta Galdutako Objektuak proiektuaren inguruko webgunea