Ida Bagus Putu Japa

Kapten Anumerta Ida Bagus Putu Japa, embas 3 April 1925, inggih punika pejuang kamerdekaan Républik Indonésia saking Dénpasar. Ida raka saking Gubernur Bali kaping nem Ida Bagus Mantra, padem ring serangan Umum Kota Dénpasar, 11 April 1946. Patung nyané magenah ring pasimpangan Jalan Raya Puputan miwah Hayam Wuruk ketah kauningin antuk bunderan Renon, kewangun duk pinanggal 20 November 1996.

Lelintihan

Ida Bagua Putu Japa embas ring kaluwarga Brahmana Geriya Bengkel, Kedaton Denpasar. Aji nyané mapesengan Ida Bagus Rai (Ida Pedanda Gedé Telaga) taler ibunyané Gusti Istri Rai (Ida Pedanda Istri Telaga).

Ida pitung warsa masekolah ring Holland Inlandsche School (HIS), sekolah Belanda. Selanturnyané ngeranjing ring Meer Uitgebreid Lager Onderwijs (MULO) Malang. Menawi nentén puput mawinan Belanda kaon mayuda sareng Jepang. Ida mantuk ring Bali taler nyarengin Tentara Pembela Tanah Air (PETA) sareng 1650 jatma liyané, latihan punika kamargiang ring Banyumala. Puput pelatihan Ida resmi manados perwira tentara PETA antuk pangkat Letnan (Sodanco) taler katugasang ring Daidan Kediri, Tabanan, ring Méi l945 Ida mawiwaha sareng anak istri sadésa ipun rabi nyané kawastanin Jero Wati.

Sesampuné Jepang kaon, para Belanda rauh malih miwah mendarat ring Sanur, para prajuru NICA kesarengin satuan élit Gadjah Merah. Selanturnyané ngewangun tangsi-tangsi militér ring genah stratégis.

Antuk ngelawan Belanda, kalaksanayang pesangkepan kapertama ring Berumbungan, Sibang Kaja pinanggal 5 April 1946. Pesangkepan kaping kalih pinanggal 8 April 1946 ring Pagutan, Padangsambian ring pesangkepan punika Ida kasarengin olih Kaptén Sugianyar, Pak Regug, miwah Pak Pinda.

Wentén tigang tangsi Belanda punika Tangsi Kreneng, Tangsi Kayumas, miwah Tangsi Satria. Kaatur rencana nyerbu tangsi Belanda saking kangin miwah kalér. Tangsi panyerangan saking kalér kapimpin I Gusti Ngurah Pinda, panyerangan ring Kreneng kapimpin Letnan Suécé, miwah panyerangan ring Kayumas kapimpin Sarja Udaya. Saking kangin punika Yang Batu kapimpin olih Ida Bagu Putu Japa antuk anggota pinih akéh punika 800 jatma.

Yudané kekawitin pinanggal 11 April 1946 ri kala ngeruput galahé nujuang wilangan 02:55 antuk swara bedil otomatis. Ida Bagus Putu Japa ngomando antuk nyerang, tangan Ida ring kiwa nganggén bedil miwah tangen nyané nganggén katana. Menawi nénten maboya ida kabedil. Lelata ida kabedil, miwah tigang peluru keni dada ipun. Sadurung padem, ida kapapah Ida Bagus Banjar. Majeng Ida Bagus Banjar, Ida mebaos "Gus beli pasti mati, dadi terusang perjuangan, kaonang Belanda. Sampunang mundur, beli sampun dados caru niki".

Pustaka