Ibnu Zuhr

Ibnu Zuhr ya iku wong kang wiwitan nemu lelara kulit ya iku gatel-gatel lan kadas. Dhèwèké uga éntuk jejuluk minangka Bapak Parasitologi minangka penghargaan tumrap kepakarane ing babagan paasitologi kang wiwitan. Ibnu Zuhr lair ing Sevila Spanyol taun 1091. Kulawargane minangka kulawarga dhokter. Dhèwèké éntuk pendhidhikan kadhokteran ing Cordoba Medical University. Ing barat, dhèwèké dikenal kanthi aran Avenzoar. Elmu kang ditekuni ya iku ngèlmu ing babagan usada. Kanggo njagani percobaanne ngenani obat, dhèwèké menehake obate mau marang kéwan sadurungé diwènèhake marang manungsa.

Buku kang ditulis déning Ibnu Zuhr ya iku buku kang paling lengkap babagan lelara lan cara nambanine. Bukune mau kanthi irah-irahan Al-Aghziya utawa Book on Foods Stuffs kang ateges buku kusus kang njlentrehake pentinge obat lan panganan kang duwé gizi. Dhèwèké uga kang mlopori praktik mènèhi panganan lumantar krongkongan nalika mangan nganggo cangkem. Ibnu Zuhr tau njabat minangka mantri nalika mangsa Dinasti Muhawid karo raja Abd AlMu’min. Nanging dhèwèké tetep milih dadi dhokter nganti tumekaning pati. Ibnu Zuhr tinggal donya ing Sevila nalika taun 1161.