Quick Facts
Biography
Хучихар тегин (хятадаар:火赤哈儿·的斤) (?-1283) бол Хар Хожа буюу Уйгурын Идүүд хан Баржуг Арт тегиний хүү, Мамула тегиний (马木剌·的斤) хүү юм. Их Монгол улсын үед мянгатын ноён байжээ. Мамула тегин 1266 онд нас барсны дараа түүний хүү Хучихар тегин нь Идүүд хан болсон. Энэ үе бол Өгэдэйн улсын эзэн Хайду, Хубилай хаан нарын зөрчилдөөний эхэн үе юм. Эхний хэдэн жилд Хубилай хааны зарлигаар Уйгур нутагт Бишбалыкийн ерөнхий захирагчийн ордныг байгуулж, Шюаньвэйсы хэлтэс болгоод, Уйгурын хэргийг захирах Бэйтингийн захирагчийн ордныг байгуулсан. 1275 онд Цагадайн улсын Дува ханы довтолгоонд өртөж, Хучихар тегин нь өөрийн гэр бүл, аймаг олноо дагуулж зугтжээ. Дараа нь Хубилай хааны зарлигаар Хөмөл хот орчимд нутаглах болсон. 1283 онд Дува ханы довтолгоонд Хөмөлийн газар өртөж байлдааны явцад алагджээ.
Гэр бүл
- Өвөг эцэг: Баржуг Арт тегин
- Эцэг: Мамула тегин
- Хадам эцэг: Гүюг хаан
- Хатан: Бабахар хатан
Холбоотой мэдээлэл
- Баржуг Арт тегин
- Бабахар гүнж
- Уйгур