Hubert Booi

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Hubert Obdulio (Lio) Booi (Nikiboko, 25 di juli 1919 - Aruba, 20 di december 2014) tabata un poeta, autor, dramaturgo, traductor, actor y deklamador Boneriano-Arubano. El ta e autor di Himno di Boneiro y co-autor di Himno di Aruba. E tabata particularmente conoci como promotor di idioma Papiamento y bida cultural na Aruba.

Lio Booi a nace na Nikiboko, Boneiro na 1919. Na 1935 el a muda pa Aruba y a traha 23 aña na e sucursal Arubano di Hollandsche Bank-Unie (HBU). Seguidamente e ta drenta servicio di gobierno ocupando diferente puesto, entre otro na WEB, oficina di turismo y departamento di informacion (BUVO). Na 1963 e ta bira hefe di Oficina di Cultura y Educacion.

Na e edad di 95 aña Booi ta fayece den Horacio Oduber Hospital. E tabata casa cu Flora Quintana (Ina) Coronel y huntu nan tabatin cinco yiu muhe i un yiu homber. Su yiu Lydia Booi ta conoci como cantante soprano.

• E perla di Caribe, musical/comedia (1955)
• Amor di Kibaima, musical/comedia (1969)
• Muchila, antologia di proza y poesia (1969)
• Golgotha (1967 den Antilliaanse Cahiers)
• E flamingo di Aruba (2006, antologia di poesia, comedia, cuenta y ensayo)

• Aruba Dushi Tera
• Himno di Boneiro