Quick Facts
Biography
Հովսեփ (Ժոզեֆ) Բեյրան (1825, Ադրիանապոլիս, Օսմանյան կայսրություն - 1866, Փարիզ, Ֆրանսիա), վեներաբան։ Բժշկական գիտությունների դոկտոր (1850), պրոֆեսոր (1864):
Կենսագրություն
Հովսեփ (Ժոզեֆ) Բեյրանը ծնվել է 1825 թվականին, Ադրիանուպոլիս քաղաքում։ 1850 թվականին ավարտել է Փարիզի համալսարանի բժշկական ֆակուլտետը։ 1850-1854 թվականներին Կ. Պոլսում, այնուհետև Փարիզում զբաղվել է ուրոլոգիայով և վեներաբանությամբ։ 1864 թվականից եղել է Փարիզի համալսարանի բժշկական ֆակուլտետի պրոֆեսոր։ Հեղինակ է «Վեներական հիվանդությունների մասին» (1851), «Բժշկությունը Թուրքիայում» (1854), «Ընդհանուր ախտաբանություն» (1863) ֆրանսերեն գրքերի։
Բեյրանի պատրաստած «0piat de Веуran» դեղանյութը երկար տարիներ կիրառվել է որպես վեներական հիվանդությունների դեմ պայքարի միջոց։
Հովսեփ (Ժոզեֆ) Բեյրանը մահացել է 1866 թվականին, Ֆրանսիայի մայրաքաղաք Փարիզում։
Երկեր
- «Վեներական հիվանդությունների մասին» (1851, ֆրանս.):
- «Բժշկությունը Թուրքիայում» (1854, ֆրանս.):
- «Ընդհանուր ախտաբանություն» (1863, ֆրանս.):
- «Միզուղիների հիվանդությունների մասին դասախոսությունները» (1865, ֆրանս.):
Գրականություն
- Հայ բժիշկներն ու դեղագործները Օսմանյան Կայսրությունում (19-րդ դարի երկրորդ կես - 20-րդ դարի սկիզբ(չաշխատող հղում)