Henry Burton

Henry Burton (Kaapstad, 1866–1935) was 'n Suid-Afrikaanse politikus en kabinetslid.

Hy is in Kaapstad gebore en ontvang sy skoolopleiding aan die St. Andrew-seunskool in Grahamstad. Hy word in 1892 tot die balie toegelaat en begin in Kimberley praktiseer waar hy kort voor lank welslae behaal. Weens die Jameson-inval word hy 'n vurige ondersteuner van die Afrikanerbond en word as lid van dié party in 1902 tot die Kaapse Wetgewende Raad verkies. Baie kort daarna bring Burton die regering van sir Gordon Sprigg tot 'n val op grond van die vraagstukke oor krygswet en oorlogsverliese. John X. Merriman sluit hom in by sy kabinet in 1908 as prokureur-generaal en ná Uniewording in 1910 word hy eers minister van naturellesake, later van spoorweë. Sy temperament het die spoorwegmense omgekrap en hy word oorgeplaas na die ministerie van finansies in 1920, waar hy ongewilde maatstawwe moes uitvoer. Hy tree in 1924 uit die Volksraad en sterf in 1935.

Bron

• Rosenthal, Eric. 1978. Encyclopaedia of Southern Africa. Cape Town and Johannesburg: Juta and Company Limited.

Hierdie artikel omtrent ’n Suid-Afrikaanse politikus is slegs ’n saadjie en bied tans nog nie ensiklopediese dekking van die betrokke onderwerp nie. Jy kan Wikipedia help deur dit uit te brei.