Quick Facts
AquariusBiography
Heliodoro Crespo (Caravia, Asturies, España, 13 de febreru de 1951), conocíu como Crespo, ye un ex-futbolista y entrenador de fútbol español. Anguaño, ye'l coordinador de los equipos de fútbol del Colexu de la Inmaculada de Xixón.
Trayeutoria
Crespo xugó nos equipos de fútbol base del Colexu de la Inmaculada, onde ganó un campeonatu d'España en categoría infantil en 1967. El tornéu celebró la so fase final nel estadiu de Castalia, en Castellón de la Plana, y l'Inmaculada aportó a ella en quedando campeón d'Asturies y ganar al Real Racing Club de Santander nel campeonatu del sector norte. Yá na fase final, vencieron al Ural Club de Fútbol de La Coruña, al C. A. Osasuna y al Real Madrid C. F., antes d'apostar la final frente al F. C. Barcelona, na que salieron victoriosos de la riola de penaltis n'acabando la prórroga con un marcador de 0-0.
En 1970, pasó del Inmaculada al filial del Sporting, el Club Deportivo Xixón. La temporada siguiente xuega nel U. P. Llangréu, pa fichar pol Hércules C. F. na campaña 1972-73. Na temporada 1973-74 consiguió l'ascensu a Primer División col conxuntu alicantín. Apostó la temporada 1974-75 nel Club Deportivo Villena, vencíu pol Hércules. Terminó la so trayeutoria como futbolista nel Real Avilés C. F.
Referencies
- ↑ «Plantilla del Club Deportivo Villena 1974/75». Archiváu dende l'orixinal, el 3 d'avientu de 2013. Consultáu'l 22 de mayu de 2013.
- ↑ «El Villena, un rival alicantín pa les terceres catalanes» (25 d'agostu de 1974). Consultáu'l 22 de mayu de 2013.
Bibliografía
- Boletín informativu AAA nº1. Avientu 2009, añu I. Asociación d'Antiguos Alumnos del Colexu de la Inmaculada de Xixón