Quick Facts
Biography
Heinrich Holtzermann (* 30. Dezember 1805 in Helgeloh; † 21. Februar 1883 in Lemförde) weer en düütschen Verwaltungsbeamten.
Holtzermann is 1805 as Söhn von Elise, borene Menke (14. Dezember 1871–3. Oktober 1861), un den Oberförster Heinrich Eberhard Holzermann (20. April 1774–28. November 1852) in Helgeloh boren un dor an’n 20. Januar 1806 döfft worrn.
Na dat Studium von de Juristeree is he in’n hannöverschen Verwaltungsdeenst gahn. He weer 1831 Auditer. Na’n Dood von’n Amtmann Claus von der Decken harr he 1839 as Amtsassesser dat Leid över dat Amt Mesborg. Dat is so bleven bet 1845. Denn hett Carl Anton Ludwig von Hinüber den Posten as Amtmann övernahmen. Holtzermann is denn von 1845 bet 1853 Amtsassesser bi dat Gericht Oosten ween un harr en Tied lang as Gerichtsverwalter ok dat Leid över dat Gericht.
Von 1853 bet 1857 weer he Amtmann von dat Amt Addelborg, von 1857 bet 1859 Amtmann von dat Amt Oterndörp un is denn von 1859 bet 1868 Amtmann in dat Amt Brooksen ween.
Holtzermann hett an’n 21. Oktober 1846 in Harpstäe Charlotte Katharina Friederike Dieterichs freet.