Hans Torgersen Vestby

Hans Torgersen Vestby (6. mars 1862–26. juli 1927) var ein norsk gardbrukar frå Vestby i Strømmen, kjent for i 1895 å ha konstruert og bygd den fyrste norskproduserte bilen. Dette kan ha vore det fyrste køyretøyet med stempelmotorar med innvendig forbrenning konstruert i Norden.

Fleire kjelder siterer ein artikkel i Aftenposten den 24/10-1895, der det stod at bilen vart driven av ein petroleumsmotor og at han i tillegg til føraren hadde plass til fire passasjerar. Passasjerane sat i ein kupé, medan føraren sat framom kupéen. Ordet bil fanst ikkje på denne tida og Vestby kalla køyretøyet eit landeveislokomotiv. Farten vart oppgjeven til 2 mil per time (20 km/t).

1. ↑ Greetland, P., Bilens historie: Bilismens utvikling i Norge og en kronologisk oversikt over bilens historie, Kongelig norsk automobilklub, 1951.
2. ↑ Motormuseet og industrihistorien langs Sagelven, Skedsmo kommune.
3. ↑ Norges første bil, Localhistoriewiki.no. (vitja 6/4-2013)
4. ↑ Vestmo, B., Glemte Norges første bilbygger, Adressa.no, 25/1-2006.