Hans Dirks

Hans Dirks (* 1912 in Nordenham; † 31. März 2008) weer de Ehrenbaas vun’n Ollnborger Spieker.

Dirks is 1912 in Nordenham boren un hett 1932 sien Abitur maakt. Denn hett he bet 1937 in Kiel studeert un weer Schoolmeester in’t Ollnborger Land. 1939 müss he as Soldat in’n Krieg un hett em bet to’n Enn mitmaakt. Vun 1946 af an weer he Schoolmeester in Babenstroh. Dor hett he ok den Heimatvereen un de Georg-Ruseler-Gesellschop mit op de Been stellt. 1954 keem he as Schoolmeester na Westerstäer un weer vun 1962 af an Konrekter an de Hössenschool.

In’n Ollnborger Heimatbund De Spieker hett Dirks 1954 den Meesterkring op de Been stellt un weer dor bet 1979 ok de Baas. 1978 is he Baas vun’n Spieker worrn un harr dat Leid bet 1989. Dorna weer he de Ehrenbaas vun’n Spieker.

För sien Doon hett Dirks de Ehrennadel in Sülver vun’n Spieker kregen, dat Verdeenstkrüüz an’n Band vun’n Neddersassischen Verdeenstorden un de Graf-Anton-Günther-Medallje.

• Brauchtum im Oldenburger Land. Holzberg, Ollnborg 1985, ISBN 3-87358-024-1