Quick Facts
Biography
حفيظ البدري زوّاق (فنان تشكيلي)، ؤستاد ديال لفن ؤ كاتب ؤ موخريج مسراحي ؤ مومتيل مغريبي. ف 6 أكتوبر 2015، تعيّن البدري مندوب ديال وزارة تّقافة ف إقليم نّاضور. حفيظ البدري تخرّج من لمعهد لعالي د لفن لمسراحي و تّنشيط تّقافي ف رّباط، ؤ عندو ديپلوم د لميتريز ف نّقد و دّراماطورجيا. ؤ كان ديجا شد نفس لمنصب ديال مندوب تقافي ف نّاضور و دّريوش ف 2011. ؤ كان أيضا مندوب تقافي ف لحسيمة من 2010 تال 2011.
على حساب بعض لمصادر لإخبارية، حفيظ البدري كان عندو دور كبير ف تنشيط لحركة تّقافية ف نّاضور ؤ ف رّيف بشكل عام، ف لعقد تّاني ديال لقرن واحد ؤ عشرين، ب إنشاء ؤ تأطير مهرجانات، ندوات، مؤتمرات تقافية ؤ ورشات د تّكوين. هادشي جعل نّاضور تولي مركز تقافي موهيم ف لمغريب، على حساب نفس لمصادر.
أعمال
مسراحيات
حفيظ البدري كتب ؤ دار لإخراج ديال عاداد د لمسرحيات ب دّاريجة، ؤ رّيفية ؤ لعربية، ؤ متّل ف لبعض منهوم.
تأليف
- 2004: صنع بالمغرب
- 2005: مستر باري، تأليف ؤ تشخيص
- 2014: إمتى نبداو بالصح (ب دّاريجة). 2014. ص. 78. OCLC 929750557.
- هذا ضاي ضاي
- طايطوشة
- مرمي غنبدا ستيدث
- وتوث نين زو
- قليلا من الحلم
- حدائق عباد الشمس
- خايف البحر ليرحل
إخراج
- 2014: رحلة حنظلة، لمهرجان دّولي د لمسرح ف فيݣيݣ.
- 2018:
- أوال نادجيرث (كلام الليل)، مسراحية ب رّيفية.
- ثايزيرت أغايذن (لݣزيرة د لماعز): ب رّيفية، مطرجمة من مسراحية طاليانية
- 2019: أبو الغرائب
تمتيل (وان مان شو)
حفيظ البدري متل ف مسرحيات د وان مان شو (عرض ديال شخص واحد)
- 2004: صنع بالمغرب
- 2005: مستر باري
- 2017: هذا ضاي ضاي
تلفازة
حفيظ البدري كان متّل ف مسلسل مغريبي "سير حتى تجي"، ؤ ف إشهارات دازو ف تّلفازة.
تازواقت
- نونبر 2015: مهرجان لفن لعصري ف طوياما ف جّاپون. شارك ب جوج لوحات ب تّقنية د لكولاج:
- قهوة سوداء من دون سكر
- حلم ليلة مغربية
أنشطة تقافية
كا مندوب ؤ منشط تقافي، ؤ ؤستاد د لفن، شارك حفيظ البدري ف بزاف د لمهرجانات ؤ تّضاهورات لفنية، سوا ف لمغريب ؤلا ف لخاريج، ؤ أطر لبعض منها، على ود نّهوض ب لفن ف منطقة نّاضور ؤ نواحيها.
قضية د إشهار وفا سلف
حفيظ البدري كان رفع قضية ضد شركة د لإنتاج د لإشهارات حيت ماخلّصاتوش لمستحقات ديالو د تّمتيل ف إشهار ديال شركة وفا سلف. تال حدود 2011، لقضية ماتحلّاتش، ؤ على حساب سّيت د لخبار هيسپريس، لموحامي ديالو نساحب من لقضية بسباب ضغوطات ؤ لپاج د فيسبوك ديال تّضامن معاه تهاكات.
جوايز
- 2010: أحسن إخراج ف دّورة لعاشرة د لمهرجان لوطني د لمسرح لأمازيغي ف أݣادير
- 2011: لجايزة لكبرى د لمعهد لملكي د لأمازيغية.
- 2014: أحسن سينوݣرافيا على مسراحية "رحلة حنظلة"، ف لمهرجان دّولي د لمسرح ف فيݣيݣ.
- 2015: جايزة تازواقت، صنف لكولاج، ف مهرجان لفن لعصري ف طوياما ف جّاپون.