Hadi AKS

Hadi AKS nyaéta salah saurang pangarang Sunda. Hadi AKS gumelar di Citapis, Pandeglang dina kaping 16 Méi 1965. Hadi téh lulusan Jurusan Pendidikan Basa jeung Sastra Sunda IKIP (ayeuna mah UPI) Bandung. Ti saprak asup kuliah di IKIP, Hadi hayang jadi pangarang tuluy ngamimitian nulis dina taun 1985. Taun 1986 kabiruyungan ngilu kursus ngarang Sundanologi. Rupa-rupa karya sastra Sunda geus ditulis ku Hadi AKS, di antarana: sajak, carpon, novel, jeung fiksimini. Salaku pangarang Sunda anu produktif nulis rupa-rupa karya sastra, Hadi AKS kungsi dilélér pangajén kayaning: Hadiah sastra LBSS, D. K. Ardiwinata, Anugerah Soeria Di Radja, sarta Hadiah Sastra R., H. Oeton Moechtar. Carpon munggaran Hadi AKS nu dimuat di majalah Katumbiri nyaéta “Nu Mulang Pasosoré”, ari sajakna nu munggaran dimuat nyaéta "Bandéra Hideung" di Kalawarta Kujang. Karangan-karanganana loba dimuat dina sawatara majalah jeung koran Sunda kayaning, Manglé, Galura, Cupumanik, Katumbiri, Suara Daerah, jeung média citak séjénna. Karya-karya Hadi AKS, anu geus medal mangrupa buku di antarana: novél Saéni (2014), kumpulan sajak Ombak Halimun (2002), kumpulan carpon Oknum (1998), kumpulan carpon Kalapati (2012), kumpulan fiksimini Hompimpah (2016), kumpulan sajak Tembang Matapoé (2018), jeung réa- réa deui.

1. ↑ [AKS, Hadi. 2012. "Kalapati"], Bandung: Kiblat.