Quick Facts
Biography
Actor Cymreig oedd Guto Roberts (1925 - 1999) a ymddangosodd mewn sawl cynhyrchiad llwyfan, ffilm a theledu yn y Gymraeg a'r Saesneg. Ganed ef yn 'Isallt Fawr', Cwm Pennant.
Gyrfa
Magwyd Roberts yn Eifionydd.
Efallai mai rhan mwyaf adnabyddus Guto Roberts oedd ei ran fel Ephraim Hughes y cyn-weinidog eisteddfodol, parchu yn y ddrama gomedi Fo a Fe.
Cymerodd ran mewn nifer o gynhyrchidau eraill yn yr 1970au ymlaen gan gynnwys, rhan arweinydd eisteddfod yn y ffilm Hedd Wyn, Mr Evans yng nghyfres deledu 'The Life and Times of David Lloyd George' (1981); y Parch Jenkins yng nghyfres deledu 'Border Country' (1979); Jenkyn Tyler yn 'Hawkmoor' (1978) a Protcor yng nghyfres ddrama 'Brett' (1971).
Yn ei flynyddoedd olaf bu’n gynrychiolydd i Gyhoeddiadau Mei a Gwasg Dwyfor.
Cariad at Fro
Cyflwynodd ffilm cartref fer am Aberdaron sy'n adrodd hanes yr ardal a'i chymeriadau, yn 1967 Nodir ei fod yn byw yn Rhoslan, ger Cricieth arno. Gwnaeth hefyd ffilmio ffilm cartref fer arall 'Helpu Dad' (1970) gyda'r Meic Povey ifanc yn actio ynddo a sgript gan Wil Sam
Gyhoeddwyd llyfr amdanno, 'Y Fo' gan Wasg Carreg Gwalch a golygwyd gan Dr Meredydd Evans.
Gwaddol
Cyflwynodd Guto Roberts dros gant o eitemau gwerthfawr ar ffilm a fideo o ddigwyddiadau yn Eifionydd, sy’n amrywio o angladd Thomas Parry-Williams i bregeth gan Ifor Bowen Griffith a lluniau unigryw Robert Hughes, Uwchlaw’r Ffynnon wrth odre Yr Eifl i'r i’r Archif Sgrin a Sain Genedlaethol yn Llyfrgell Genedlaethol Cymru, Aberystwyth.