Grigory Akopov

Գրիգորի Լենոիդի Հակոբով (ռուս.՝ Григо́рий Леони́дович Ако́пов) (ծնվել է 1978 թվականի օգոստոսի 8-ին, Դոնի Ռոստովում` նախկին` Նոր Նախիջևան)` ռուսաստանահայ գիտնական, քաղաքական գիտությունների դոկտոր, դոցենտ: Քաղաքացիական ավիացիայի Մոսկվայի պետական տեխնիկական համալսարանի Դոնի Ռոստովի մասնաճյուղի տնօրենն է:.

Մի շարք ցանցային նախագծերի ստեղծողն ու ադմինիստրատորն է, այդ թվում` Ցանցային քաղաքականության տեղեկատվական-վերլուծական պորտալի և մի շարք այլ նախագծերի։

2005 թվականին հիմնել է «ProRostov» քաղաքային հանդեսը և ղեկավարել է այն մինչև 2007 թվականի սեպտեմբերը։

Ռուսաստանի Լրագրողների միության անդամ է (2009 թվականից` Ռուսաստանի Լրագրողների Միության վարչության անդամ), հեղինակ է ավելի քան 300 հրապարակումների` տարբեր ԶԼՄ-ներում։

Հեղինակ և համահեղինակ է ավելի քան 40 գիտական աշխատության՝ քաղաքական տեղեկատվության և իրավունքի գծով (ընդհանուր ծավալը՝ ավելի քան 120 մամուլ), այդ թվում՝ հետևյալ հեղինակային մենագրությունների, որոնց վերնագրերը ռուսերեն բնագրով բերված են ստորև.

• «Ռուսաստանյան կուսակցական վերնախավերի ցանցային քաղաքականությունը (տեսության և պրակտիկայի հիմնախնդիրներ)» (ռուս.՝ «Сетевая политика российских партийных элит (проблемы теории и практики)») (11,6 մամուլ) 2003 թ.,
• «Ցանցային քաղաքականության համընդգրկուն հիմնախնդիրներն ու վտանգները » (ռուս.՝ «Глобальные проблемы и опасности сетевой политики») (8 մամուլ) 2004 թ.:

Նաև հեղինակ ու համահեղինակ է մի շարք ուսումնական ձեռնարկների.

• «Քաղաքագիտություն»` «Политология» (18 մամուլ) 2009 թ.,
• «Իրավական ինֆորմատիկա. արդիականություն և հեռանկարներ»` «Правовая информатика: современность и перспективы» (16,8 մամուլ) 2005 թ.,
• « Իրավական ինֆորմատիկա »` «Правовая информатика» (20 մամուլ) 2008 թ.,
• «Տեղեկատվական իրավունք» 2008 թ.,
• «Ցանցային տեխնոլոգիաներ իրավաբանների համար» (13,5 մամուլ) 2004 թ.:

Բացի այդ, հեղինակել է «Ցանցային տեխնոլոգիաները իրավագիտության» մեջ ուսումնա-մեթոդական համալիրը (ռուս.՝ «Сетевые технологии в юриспруденции») (3,8 մամուլ) 2005 թ.:

• Акопов Григорий Леонидович // Энциклопедия «Учёные России»