Grigor Arakelyan

Անվան այլ կիրառումների համար տե՛ս՝ Գրիգոր Առաքելյան (այլ կիրառումներ)

Գրիգոր Աշոտի Առաքելյան (հունիսի 15, 1963, Երևան, Հայաստան), հայ երաժիշտ, կոմպոզիտոր, թավջութակահար, քեմանիահար «Օշական» համույթի հիմնադիր և ղեկավար։

Գրիգոր Առաքելյանը ծնվել է 1963 թվականի հունիսի 15-ին Երևանում։ 1975-1980 թվականներին սովորել է Սայաթ-Նովայի անվան երաժշտական դպրոցում։ Այնուհետև ուսումը շարունակել և ավարտել է Երևանի կոնսերվատորիայի կոմպոզիցիայի և թավջութակի բաժինները։ Ավարտելուց հետո նա իր գործունեությունը շարունակել է հայ հոգևոր և ժողովրդական երաժշտության ժանրերում։ Գրիգոր Առաքելյանի մշակումները և ստեղծագործությունները հնչում են տարբեր երկրներում՝ բազմաթիվ հայկական համույթների կատարմամբ:

2000-2004 թվականներին նա հանդես է եկել Ֆրանսիայում` Radio France, Institut du Monde arabe, Դիժոնի «Աշխարհի հոգևոր երաժշտություն», «Saint-Florent-le-vieil» փառատոններում, ինչպես նաև Գերմանիայում, Շվեյցարիայում, Բելգիայում, Կանադայում, Իրանում և Մարոկկոյում։

2005 թվականին Գրիգորը հիմնել է հայ միջնադարյան երաժշտության «Օշական» համույթը, որն իր մեջ ընդգրկում էր 8 երգիչ և 4 նվագող։ 2007 թվականին ստեղծել է նաև «Օշական» տրիոն: Գրիգոր Առաքելյանի երաժշտական գործիքը քեմանին է:

1993 թվականին Գրիգոր Առաքելյանը` վինագործ Մարտին Երիցյանի օգնությամբ ստեղծել է քեմանու մի նոր տարատեսակ` թավ քեմանի (տենոր քեմանի), որը մեկնաբանվում է նաև իբրև եվրոպական վիոլա դ՛գամբայի հայկական տարբերակ:

• Գրիգոր Առաքելյան