Quick Facts
GeminiBiography
ଗୋବିନ୍ଦ ତେଜ (୨୬ ମଇ ୧୯୨୮- ୧୮ ଅଗଷ୍ଟ ୨୦୧୬) ଜଣେ ଓଡ଼ିଆ ଅଭିନେତା, କାହାଣୀକାର, ପ୍ରଯୋଜକ ଓ ନିର୍ଦ୍ଦେଶକ ଥିଲେ ।ସେ ୧୯୨୮ ମସିହା ମଇ ୨୬ ତାରିଖରେ ଅନୁଗୋଳର ଅମଲାପଡ଼ାଠାରେ ଜନ୍ମଗ୍ରହଣ କରିଥିଲେ ।ଅନୁଗୋଳରେ ନିଜ ସ୍କୁଲ ଶିକ୍ଷା ସମାପ୍ତ କରି, ସେ କଟକ ଇଞ୍ଜିନିୟରିଂ କଲେଜରେ ଇଞ୍ଜିନିୟରିଂ ପଢ଼ିଥିଲେ । ଶିକ୍ଷାସମାପ୍ତ କରିବା ପରେ, ସେ ଜଣେ ସିଭିଲ ଇଞ୍ଜିନିୟର ଭାବରେ କାର୍ଯ୍ୟ ଆରମ୍ଭ କରିଥିଲେ । ପରେ ସେ କିଛିଦିନ ଶିକ୍ଷାଦାନ ମଧ୍ୟ କରିଥିଲେ । ଚଳଚ୍ଚିତ୍ରରେ ଅଭିନୟ କରିବା ପାଇଁ ଚାକିରି ଛାଡ଼ିଥିଲେ । ପରବର୍ତ୍ତୀ ସମୟରେ ସେ ଉତ୍କଳ ସଂସ୍କୃତି ବିଶ୍ୱବିଦ୍ୟାଳୟ ଓ ତିରୁପତି ବିଶ୍ୱବିଦ୍ୟାଳୟରୁ ଡକ୍ଟରେଟ ଲାଭ କରିଥିଲେ । କଟକର ସଂଗୀତାନୁଷ୍ଠାନ ନ୍ୟାସନାଲ ମ୍ୟୁଜିକ ଆସୋସିଏସନର ପ୍ରତିଷ୍ଠାତା ନିର୍ଦ୍ଦେଶକ ଥିଲେ । ନାଟ୍ୟକାର ମନୋରଞ୍ଜନ ଦାସ, ଧୀରେନ ଦାସ ଓ ଅନନ୍ତ ମହାପାତ୍ରଙ୍କ ସହ ମିଶି 'ସୃଜନୀ' ନାମରେ ଏକ ସୌଖିନ ନାଟ୍ୟାନୁଷ୍ଠାନ ଗଢିଥିଲେ । ୧୯୮୨ ମସିହାରେ ଏସିଆନ ଗେମ୍ସ ଉତ୍ସବ ଅବସରରେ ଓଡ଼ିଶାର ଲୋକନୃତ୍ୟ ଘୁମୁରା ପରିବେଷଣ କରିବାରେ ସେ ଉଲ୍ଲେଖନୀୟ ଭୂମିକା ଗ୍ରହଣ କରିଥିଲେ ।
କାଥାଚିତ୍ରରେ ଭୂମିକା
୧୯୫୪ ମସିହାରେ କେଦାର ଗୌରୀ ଚଳଚ୍ଚିତ୍ରରୁ ଗୋବିନ୍ଦ ନିଜ ଅଭିନୟ ଜୀବନ ଆରମ୍ଭ କରିଥିଲେ ।ଗୋବିନ୍ଦ ନିଜ ପ୍ରଯୋଜନା ସଂସ୍ଥା "ନିୟୁ ଲାଇଫ ପ୍ରଡକସନ" ମାଧ୍ୟମରେ ଓଡ଼ିଆ ଚଳଚ୍ଚିତ୍ର ପ୍ରଯୋଜନା ଆରମ୍ଭ କରିଥିଲେ । "କୃଷ୍ଣ ସୁଦାମା" ଥିଲା ତାଙ୍କ ପ୍ରଯୋଜିତ ପ୍ରଥମ ଓଡ଼ିଆ ଚଳଚ୍ଚିତ୍ର ।
ସମ୍ମାନ ଓ ପୁରସ୍କାର
- ଜୟଦେବ ପୁରସ୍କାର, ୧୯୮୬
- ରାଜ୍ୟ ଚଳଚ୍ଚିତ୍ର ପୁରସ୍କାର: ୪ ଥର
- ଶ୍ରେଷ୍ଠ ନିର୍ଦ୍ଦେଶକ, ୧୯୮୭ (ତୁଣ୍ଡ ବାଇଦ)
- ଶ୍ରେଷ୍ଠ ନିର୍ଦ୍ଦେଶକ, ୧୯୮୫ (ସ୍କୁଲ ମାଷ୍ଟର)
- ଶ୍ରେଷ୍ଠ ନିର୍ଦ୍ଦେଶକ, ୧୯୮୪ (କାବେରୀ)
- ଶ୍ରେଷ୍ଠ ଅଭିନେତା, ୧୯୭୭ (ବନ୍ଧୁ ମହାନ୍ତି)
- ଇଟିଭି ଓଡ଼ିଆ ସମ୍ମାନ (ଜୀବନ ବ୍ୟାପି ଅବଦାନ ପାଇଁ), ୨୦୧୨
- ଗୁରୁ କେଳୁଚରଣ ମହାପାତ୍ର ସମ୍ମାନ, ୨୦୦୬
- ଉପେନ୍ଦ୍ର ଭଞ୍ଜ ସମ୍ମାନ
- ଭୂମିପୁତ୍ର ସମ୍ମାନ
- ଚିନ୍ତା ଓ ଚେତନା ସମ୍ମାନ
- ବାଣୀଚିତ୍ର ସମ୍ମାନ
ଆଧାର
- ↑ "Odia filmmaker, actor Govind Tej passes away". The New Indian Express. Retrieved 18 August 2016.
- ↑ K. Moti Gokulsing; Wimal Dissanayake (17 April 2013). Routledge Handbook of Indian Cinemas. Routledge. pp. 67–. ISBN 978-1-136-77284-9.
- ↑ "ଆରପାରିରେ ଗୋବିନ୍ଦ ତେଜ". ସମ୍ବାଦ ୧୯/୦୮/୨୦୧୬ ଭୁବନେଶ୍ୱର ସଂସ୍କରଣ ପୃଷ୍ଠା ୫. Retrieved 19 August 2016.
- ↑ "ଓଡ଼ିଆ ଫିଲ୍ମର ସୁଦାମା ଚାଲିଗଲେ". ନଜର୍ (ନିତିଦିନ). Retrieved 22 August 2016.
- ↑ http://sambad.in/news/state/gobind-tej/1412.html
- ↑ http://www.odishastory.com/2016/08/18/gobind-tej-passed-away/
- ↑ Kala Vikash Kendra, Cuttack (1982). Journal.
- ↑ "ଗୋବିନ୍ଦଙ୍କୁ ଝୁରିବ ଓଡ଼ିଆ ରଙ୍ଗମଞ୍ଚ". ଧରିତ୍ରୀ. Retrieved 22 August 2016.
- ↑ http://orissadiary.com/CurrentNews.asp?id=37597
- ↑ Dance Annual of India. The Foundation. 2006.
ଅଧିକ ତଥ୍ୟ
- ଗୋବିନ୍ଦ ତେଜ (ଇଣ୍ଟରନେଟ ମୁଭି ଡାଟାବେସରେ)