Gotzon Egia

Gotzon Egia Goienetxea (Trintxerpe, Pasaia, Gipuzkoa, 1958ko irailaren 17a) euskal idazlea da; ogibidez itzultzailea da Gipuzkoako Foru Aldundian, bertako hizkuntza-plangintzaren arloan ere aritu izan da.

Hizkuntzalaritza ikasi zuen Deustuko Unibertsitatean, baina Itzultzaile moduan eta arlo horretan iniziatiba berriak dinamizatzen aritu izan da batez ere, besteak beste hauek:

• Senez itzulpen-aldizkariaren zuzendaria izan zen 1999-2005 bitarte, eta erredakzio-batzordeko kide 2006-2014 urteen artean.
• Euskal Itzultzaile, Zuzentzaile eta Interpreteen Elkarteko zuzendaritza taldeko kide izan zen 1999-2002 eta 2003-2007 bitarte, eta EIZIE elkarte horren eskutik itzulpengintzako ikastaroak eman ditu, bereziki itzulpengintzarako konputagailu-tresnen erabilera irakasteko.
• ItzuL posta-zerrendaren sortzaileetako bat izan zen.

Saiakera

• Donostiar haien garaia... (2002, Alberdania)
• Road Movie (2002, Alberdania)

Historia

• Emakumea euskal irakaskuntzan (1922-1975) (1997, Eusko Jaurlaritza)
• Agustin Anabitarte (1891-1981) (2006, Bidegileak)

Artikulu ugari argitaratu ditu Senez itzulpen-aldizkarian, baita 31 eskutik blogean ere 2012tik 2014ra. Bestalde, euskal komunitate zientifikoaren Inguma datu-baseak guztira berak sorturiko 45 lan baino gehiago erakusten ditu.

• «Gotzon Egia», Literaturaren Zubitegia.
• «Donostiar haien garaia...», Alberdania.net.
• Gotzon lankidea Euskal Wikipedian
• ItzuL posta-zerrenda