Quick Facts
Aquarius
Biography
| Articul per Ladin Gherdëina |  |
| Śepl Obletter | |
|---|---|
 | |
| Baselga di Piné, dlieja Santa Maria Assunta - Statua dl Sacro Cuer de Gejù de Josef Obletter dl 1902. | |
| Auter inuem | Josef Obletter, Śepl da Juaut |
| Nasciù/da | Urtijëi 1 fauré 1873 |
| Mort/a | Urtijëi 4 auril 1925 |
| Operes cunesciudes | Sanc y auteresc |
| Fëna | Carolina Kostner da Stlujuc |
Josef Obletter dit nce Śepl da Juaut (* 1 de fauré 1873 a Urtijëi; † 4 de auril 1925 a Urtijëi) ie stat n scultëur y ferlëigher a Urtijëi te Gherdëina.
Biografia
Ël à mparà y laurà da fant tla berstot de Josef Rifesser da Stufan. Do che l se ova metù da sëul per vënder nstëss si scultures y per lauré te si cësa n afit sa Bruel sun Col da Brida, ovl pedù cumpré n terac y fabriché si cësa y berstot sëura chëla che ie sën la Villa Obletter sëura la stazion dla ferata de Gherdëina.Ël mandova via scialdi sanc y crisć d’uni mesura, auteresc, canssles, sepolcri, stazions, ultima cëines y d’autra mubilia per la dliejes. Tl 1919 iel stat numinà ambolt de Urtijëi per trëi ani. Cun si bon cumpani Vinzenz Vinatzer dl Sartëural pona nce marciadà cun terac, puscions y mejes. I ova cumprà l luech de Piz sota Pilat y ova iló pedú taië n grum de leniam. Prësc do ai inó vendù l luech al medemo priesc ma se ova fat n bon vadani cun l leniam.
Ël se à maridà cun Carolina Kostner da Stlujuc. I à abù cin mutans y cater mutons. Tla viëra al messù ji a fé l saudé sun Col de Lana. Śepl Obletter ie mort jëun y si mut, ncé tlamá Śepl, che ova mparà pra Batista de Trina de Ianesc, à pò menà inant la firma.
Si muta Philippina ova mparà a dessenië auteresc dal prof. Keim ma la ne daussova nia ji tla scola d'ert a Urtijëi ulache l univa suenz dessenià do da n ël che stajove desnut de model.
Lëures
Chisc ie lëures de Sepl da Juaut documentei tla Valsugana.
- Crist sun crëusc, Telve di Sopra, dlieja dla pluania San Giovanni Battista.
- San Giuni Batista, Telve di Sopra, dlieja dla pluania San Giovanni Battista, 1920.
- Sant Ujep, Telve, dlieja dla pluania dl'Assunta, 1911..
- Sacro Cuer de Gejù y de Maria, Carzano, dlieja dla pluania Madonna della neve.
- Crist sun crëusc, Castelnuovo dlieja dla pluania de San Leonardo.
- Madona Imaculata, Ivano Fracena dlieja dla pluania San Giuseppe Operaio, 1923.
- Sant Ujep cun Bambin, Ivano Fracena dlieja dla pluania San Giuseppe Operaio, 1923.
- Sacro Cuer de Gejù, Ivano Fracena dlieja dla pluania San Giuseppe Operaio, 1923 .
- Sacro Cuer, Tezze (Grigno), dliejaAntonio di Padova e Brigida di Svezia, 1919 (firmà: "Gius. Obletter scultore a San Udalrico Gardena").
- Sacro Cuer, Castello Tesino, La Torricella, Vecchia Cappella dell’Ospitale (ex Casa di Riposo Suor Agnese).
- Bambin Gejù Castello Tesino, frazion Roa, dlieja Madonna di Lourdes, 1919.
- Angiul Rafael cun l pitl Tobiolo, Caldonazzo, dlieja dla pluania San Sisto II.
- Sant Ujep cun Bambin, Centa San Nicolò, dlieja dla pluania San Niccolò. Firmà “Fecit Giuseppe Obletter / St. Udalrico Gardena Tirolo”.
- Autere cun Madona dl Rosar, Folgaria, Dlieja de San Lorenzo 1908.
Bibliografia
Leo Moroder: Bera Śepl da Juaut, mi nëine. Calënder de Gherdëina 2019, pl. 80-84.