Giorgi Chubinidze

გიორგი ჩუბინიძე (დ. 29 ივლისი, 1944, ხაშური, საქართველოს სსრ) — ქართველი ფეხბურთელი, ხაშურის საფეხბურთო კლუბ „ივერიას“ კაპიტანი და მცველი 1963-1981 წლებში.

გიორგი (ჟორა) ჩუბინიძე დაიბადა 1944 წლის 29 ივლისს ქალაქ ხაშურში. 1950 წელს შევიდა რკინიგზის მე-12 სკოლაში (ამჟამად ხაშურის მე-6 საჯარო სკოლა). 1955 წელს ჩატარდა სკოლების პირველობა ფეხბურთში, სადაც მან მონაწილეობა მიიღო, შეჯიბრზე დამსწრე სპორტ-სკოლის ფეხბურთის მასწავლებელის, გრიშა ჯომართიძის გადაწყვეტილებით გიორგი ჩუბინიძე აიყვანეს სპორტ სკოლაში. საშუალო განათლების დასრულების შემდეგ 1961 წელს გაიწვიეს სამხედრო სავალდებულო სამსახურში. ამ პერიოდში თამაშობდა გარნიზონის ნაკრებში. 1963 წელს დაასრულა სამხედრო სავალდებულო სამსახური და დაბრუნდა მშობლიურ ხაშურში. იგი აიყვანეს ხაშურის საფეხბურთო გუნდ „ივერიაში”. გუნდი 1972 წელს გახდა საქართველოს ჩემპიონი II ჯგუფში, რის შემდეგაც მოიპოვეს I ჯგუფში თამაშის უფლება. პარალელურად იგი თამაშობდა ხაშურის საფეიქრო-საგალანტერიო ფაბრიკის საფეხბურთო გუნდში.

1986 წელს ასაკის გამო შეწყვიტა ფეხბურთის თამაში და 1990 წლიდან 1994 წლამდე იყო ბავშვთა ნაკრების მწვრთნელი.

• გაზეთი „ლელო“, 17 დეკემბერი, 1970 წელი, #246, გვ.3
• გაზეთი „ლელო“, 7 სექტემბერი, 1972 წელი, #177, გვ.3
• გაზეთი „გამარჯვების გზა“, დეკემბერი, 1970 წელი, გვ.5
• გაზეთი „გამარჯვების გზა“, 31 ოქტომბერი, 1978 წელი, გვ.4

• გიორგი ჩუბინიძე — საქართველოს ბიოგრაფიული ლექსიკონი
• გაზეთი „ლელო“, 17 დეკემბერი, 1970 წელი, #246, გვ.3
• გაზეთი „ლელო“, 7 სექტემბერი, 1972 წელი, #177, გვ.3
• საქართველოს პარლამენტის ეროვნული ბიბლიოთეკის ფოტოარქივი - გიორგი ჩუბინიძე - ფეხბურთელი
• ხაშურის ივერია სოხუმში
• ხაშურის ივერიის ფეხბურთელები
• საქართველოს პარლამენტის ეროვნული ბიბლიოთეკის ფოტოარქივი - ხაშურის ივერიის ფეხბურთელები