Georgy Papovyan

Գեորգի Սարգսի Պապովյան (1895, Թիֆլիս, Ռուսական կայսրություն - 1997, Երևան, Հայաստան), հայ հիգիենիստ: Բժշկական գիտությունների դոկտոր, պրոֆեսոր: ՀԽՍՀ վաստակավոր բժիշկ:

Գեորգի Պապովյանը ծնվել է 1895 թվականին, Թիֆլիսում: 1920 թվականին ավարտել է Խարկովի համալսարանը: 1940-1942 թվականներին եղել է ՀԽՍՀ առժողկոմի տեղակալ և գլխավոր սանիտարական հսկիչ, 1942-1952 թվականներին աշխատել է Երևանի բժշկական ինստիտուտի առողջապահության կազմակերպման և սոցիալական հիգիենայի ամբիոնում, 1953-1956 թվականներին եղել է Համաճարակաբանության և հիգիենայի ինստիտուտի տնօրեն:

30 գիտական աշխատանքնարի հեղինակ է: Աշխատանքները վերաբերում են վարակիչ հիվանդությունների հիգիենային, համաճարակաբանությանն ու կանխարգելմանը: Ամփոփել է Հայաստանի նախապատերազմյան և պատերազմի տարիների սանիտարահամաճարակաբանական վիճակը:

• ՀԽՍՀ վաստակավոր բժիշկ
• Լենինի շքանշան (2)
• Աշխատանքային կարմիր դրոշի շքանշան
• «Առողջապահության գերազանցիկ» նշան

• Айриян А. П. Армянские учёные-медики. - Ер., 1998 - 276 с. ISBN 99930-1-001-7.