Quick Facts
Biography
Gazmend Havolli lindi më 11 tetor të vitit 1963 në Podujevë, është një karatist shqiptar.
- Edukimi
Havolli është arsimuar për teknik laboratori të bilogjisë.
- Sporti
Me karate ka filluar të merret në vitin 1978 në Podujevë. Gjatë periudhës garuese, dy herë ka zënë vendin e tretë në kategorinë absolute në kampionatin shtetëror dhe një here vendin e tretë në kategori.
Pas fazës garuese, në fillim të viteve ’90, iu ka përkushtuar punës së trajnerit në klubin e karatesë “Llapi” të Podujevës, me sportistët e të cilit ka arritur rezultate të shënueshme dhe shi për këtë disa herë është shpallur trajneri më i suksesshëm sportiv në komunën e Podujevës, ndërsa në vitin 2002 është emëruar trajner i përfaqësueses së Kosovës në karate.
G. Havollin si karateist e karakterizon interesimi për zgjerimin e vazhdueshëm të diapazonit të njohurive teorike, por edhe praktike të arteve marciale, për ç’arsye një kohë iu ka përkushtuar edhe kik-boksit.
Gazmend Havolli është anëtar i bordit të Federatës së Karatesë të Kosovës dhe refer kombëtar.
Është mjeshtër i shkallës së tretë (3 Dan).