Quick Facts
AriesBiography
გარი ქიქავა (დ. 5 აპრილი, 1947, ბათუმი, საქართველოს სსრ) — ქართველი და საბჭოთა ფეხბურთელი. თამაშობდა ნახევარმცველის და თავდამსხმელის პოზიციაზე. სხვადასხვა დროს იცავდა ბათუმის „დინამოს“, თბილისის „დინამოსა“ და ქუთაისის „ტორპედოს“ ღირსებას.
კარიერა
გარი ქიქავა საკლუბო კარიერას 1965 წელს, საბჭოთა კავშირის ჩემპიონატის „ბ“ კლასის მოკავშირე რესპუბლიკების პირველი ზონის მონაწილე საფეხბურთო კლუბ ბათუმის „დინამოში“ იწყებს, სადაც საბჭოთა კავშირის თასის ერთ შეხვედრას ატარებს გუნდის შემადგენლობაში.
მომდევნო 1966 წლიდან გუნდი საბჭოთა კავშირის ჩემპიონატის „ა“ კლასის მეორე ჯგუფის პირველ ქვეჯგუფში აგრძელებს ასპარეზობას. მიმდინარე სეზონში გარი ქიქავა 32 მატჩში იღებს მონაწილეობას და 9 გოლის გატანას ახერხებს. 1967 წლის იმავე „ა“ კლასის მეორე ჯგუფის პირველობაზე 35-ჯერ ირგებს გუნდის მაისურს და შვიდჯერ იღებს მეტოქეთა კარს.
1967–1968 წლებში თბილისის „დინამოს“ რიგებშია, სადაც „ა“ კლასის პირველი ჯგუფის გათამაშების 11 კალენდარული შეხვედრის გარდა — 5 საერთაშორისო მატჩში გამოდის მოედანზე.
1969–1970 წლებში ქუთაისის „ტორპედოს“ ღირსებას იცავს (53 მატჩი, 5 გოლი).
1971 წლიდან ბათუმის „დინამოს“ უბრუნდება და მომდევნო ხუთი სეზონის განმავლობაში მის შემადგენლობაში აგრძელებს თამაშს. სათამაშო კარიერას 1975 წელს, ამავე კლუბში ასრულებს.
მიღწევები
საკლუბო
- დინამო თბილისი
- საბჭოთა კავშირის ჩემპიონატი
- მე-7 ადგილი: 1968
- ტორპედო ქუთაისი
- საბჭოთა კავშირის ჩემპიონატი
- მე-14 ადგილი: 1969
- მე-16 ადგილი: 1970
ლიტერატურა
- აკოფოვი, გარუნ. ფეხბურთი – 75 : ცნობარი-კალენდარი. — თბ.:საქ. კპ ცკ-ის გამ-ბა, 1975. — გვ. 42. — 83 გვ .
ბიბლიოგრაფია
- აკოფოვი, გარუნ. ფეხბურთი 1967 : ცნობარი-კალენდარი. — თბ.:საქ. ჟურნ. კავშ., სპორტ. ჟურნ. ფედერაცია, 1967. — 79 გვ .
- აკოფოვი, გარუნ. ფეხბურთი 1968 : ცნობარი-კალენდარი. — თბ.:საქ. ჟურნ. კავშ., სპორტ. ჟურნ. ფედერაცია, 1968. — 111 გვ .
- თედორაძე, ზურაბ. თბილისის „დინამო“ ციფრებში, 1936–1989. — თბ.:სტამბა–96, 1999. — 33 გვ . — ISBN 99928-0-025-9
- თედორაძე, ზურაბ. თბილისის „დინამო“ : ციფრები, ფაქტები, კომენტარები, 1936–1989. — თბ.: 2002. — 41 გვ . — ISBN 99928-0-360-6
- თედორაძე, ზურაბ. საკლუბო გუნდების შედეგები სსრ კავშირის ჩემპიონატებში : უმაღლესი ლიგა, 1936–1991. — თბ.: 2001. — 52 გვ . — ISBN 999280209X
რესურსები ინტერნეტში
- გარი ქიქავა — ციფრული ბიბლიოთეკა „ივერიელი“
- გარი ქიქავა — FootballFacts.ru
სქოლიო
- ↑ Gary Qiqava (born 5 April 1947) — Georgian Footballer, FC Dinamo Batumi (1965–67, 1971–75), FC Dinamo Tbilisi (1967–1968) and FC Torpedo Kutaisi (1969–70) Midfielder and Forward. წაკითხვის თარიღი: 8 იანვარი, 2020.
- ↑ გარი ქიქავა — პერსონალური გვერდი. წყარო: თბილისის „დინამო“: გუნდის ისტორია (თარიღები, მოვლენები, ფაქტები). მაქსიმ არხიპოვი. Кикава Гарри Германович — Персональная страница. «Динамо» (Тбилиси): история команды (История, статистика, факты). Максим Архипов. / dinamo-tbilisi.ru. დაარქივებულია ორიგინალიდან - 15 ივნისი, 2019. წაკითხვის თარიღი: 15 ივნისი, 2019.
- ↑ ფეხბურთი – 1975 : ცნობარი–კალენდარი / შემდგ.: გ. აკოფოვი, საქართველოს ჟურნალისტთა კავშირი. სპორტულ ჟურნალისტთა ფედერაცია. - თბ. : საქ. კპ ცკ-ის გამ-ბა, 1975. — გვ. 42. წაკითხვის თარიღი: 15 ივნისი, 2019.