Garnik Hovhanisyan

Գառնիկ Միքայելի Հովհաննիսյան (ապրիլի 27, 1964(1964-04-27), Մարտակերտ - հունիսի 13, 1992(1992-06-13), Բուզլուղ, Արցախ), հայ ազատամարտիկ։

Գառնիկ Հովհաննիսյանը ծնվել է 1960 թվականի ապրիլի 27-ին Մարտակերտում։ Սկզբնական կրթությունը ստացել է Մարտակերտի միջնակարգ դպրոցում, որտեղ սովորել է մինչև 7-րդ դասարանը: Այնուհետև ընտանիքը տեղափոխվել է Երևան, որտեղ Գառնիկը իր ուսումն շարունակել է Վահան Տերյանի անվան թիվ 60 դպրոցում: 1978-1980 թվականներին ծառայել է Խորհրդային բանակում, իսկ զորացրվելուց հետո ընդունվել է Հայաստանի պետական տնտեսագիտական համալսարան, որը ավարտել է 1987 թվականին: 1988 թվականին միացել է Արցախյան շարժմանը։ Լինելով ՀՅԴ անդամ՝ նա միացել է Կարոտ Մկրտչանի հրամանատարությամբ գործող ջոկատին, որի կազմում մասնակցել է Մանաշիդի, Էրքեջի, Բուզլուխի և այլ գյուղերի պաշտպանությանը:

Գառնիկ Հովհաննիսյանը անհետ կորել է է 1992 թվականի հունիսի 13-ին Բուզլուխում՝ 32 տարեկան հասակում՝ Բուզլուխի ինքնապաշտպանության ժամանակ։

Հայրենիքի պաշտպանության ժամանակ ցուցաբերած անձնական արիության համար Գառնիկ Միքայելի Հովհաննիսյանը պարգևատրվել է ՀՀ «Արիության համար» և ԼՂՀ «Արիության համար» մեդալներով։