Fuad Məmmədov

Məmmədov Fuad Faiq oğlu — texnika elmləri namizədi, dosent.

Fuad Məmmədov 14 sentyabr 1981–ci ildə Bakı şəhərində anadan olmuşdur. 2001–ci ildə Azərbaycan Texniki Universitetini "istilik çeviricisi, qeyri–ənənəvi və bərpa olunan enerji mənbələri və qurğuları" ixtisası üzrə bakalavr, 2003–cü ildə isə oranın "enerjinin çevrilməsində gedən proseslərin istilik fizikası" ixtisası üzrə magistr pilləsini fərqlənmə diplomu ilə bitirmişdir.

2003–2006–cı illərdə AMEA–da aspiranturada təhsil almışdır. 2007–ci ildə Azərbaycan Dövlət Neft Akademiyasının Neftin, Qazın Geotexnoloji Problemləri və Kimya Elmi-Tədqiqat İnstitutunda "Günəş enerjisindən istifadə etməklə xam neftin emala hazırlanması üçün energetik qurğunun işlənməsi" mövzusunda namizədlik dissertasiyasını müdafiə etmişdir.

60-a yaxın elmi əsərin (Böyük Britaniya, Cənubi Afrika Respublikası, Rumıniya, Avstriya, Tayvan, Rusiya, Türkiyə, İran), o cümlədən 7 ixtiranın, eləcə də günəş və külək energetikası sahəsində tətbiq olunan bir neçə energetik qurğunun müəllifidir. 2008–ci ildən hal–hazıra kimi Dünya Bərpa Olunan Enerji Şəbəkəsinin (WREN) keçirdiyi Dünya bərpa olunan enerji konqresində (WREC) Beynəlxalq Redaksiya Heyətinin Azərbaycandan üzvüdür. Azərbaycanda ilk dəfə olaraq nəşr olunan yeddi dilli (Azərbaycan, rus, ingilis, alman, fransız, ispan və italyan) "Günəş energetikası terminləri lüğəti"nin müəllifidir.

Fuad Məmmədov ilk dəfə olaraq yüksək temperaturlu və günəş izləyici sistemlərə malik parabolosilindirik və paraboilk konsentratorlu energetik qurğular, müxtəlif formalara malik və fərqli materiallardan hazırlanmış, günəş izləyici sistemlərlə təchiz olunmuş qurğular işləyib hazırlamış və tətbiq etmişdir . Bunlar yastı günəş kollektorları, günəş hava qızdırıcısı, günəş istilik akkumulyatoru, günəş fotoelement gücləndiricisi, kombinə olunmuş yastı günəş kollektor-akkumulyatoru, günəş mətbəxi, ikikonturlu istilikdəyişdirici, Stirlinq mühərriki, buxar turbini, şaquli və üfüqi oxlu külək mühərrikləridir.

1. Parabolosilindirik konsentratorlu günəş energetik qurğular;
2. Paraboilk konsentratorlu günəş energetik qurğusu;
3. Yastı günəş kollektorları;
4. Günəş hava qızdırıcısı;
5. Günəş istilik akkumulyatoru;
6. günəş fotoelement gücləndiricisi;
7. Kombinə olunmuş yastı günəş kollektor-akkumulyatoru;
8. Günəş mətbəxi;
9. Bir və ikikonturlu istilikdəyişdiricilər;
10. Stirlinq mühərriyi;
11. Buxar turbini;
12. Şaquli və üfüqi oxlu külək mühərrikləri.

Qurğularla bağlı bəzi istinad mənbələri:

• [1]
• [2]