Quick Facts
ScorpioBiography
Fuad Əhməd oğlu Xəlilov (17 noyabr 1923(1923-11-17), Bakı – 14 oktyabr 2015(2015-10-14), Hollivud, Kaliforniya) — azərbaycanlı rəssam, SSRİ Rəssamlar İttifaqının üzvü, Azərbaycan SSR əməkdar rəssamı.
Həyatı
Fuad Xəlilov 17 noyabr 1923-cü ildə Bakı şəhərində anadan olmuşdur. 1942-ci ildə Böyük Vətən müharibəsi zamanı könüllü olaraq cəbhəyə yollanmışdır. Ağır xəsarət aldığına görə 1944-cü ildə təxris olunmuşdur. Əzim Əzimzadə adına Bakı Rəssamlıq Məktəbini bitirmişdir. 1945-ci ildə köməkçi rəssam kimi Arşın mal alan filminin hazırlanmasında iştirak etmişdir. 30 ildən artıq Gənc Tamaşaçılar Teatrında quruluşçu rəssam vəzifəsində çalışmışdır. "Хanəndənin Taleyi" tamaşası onun opera teatrında quruluş verdiyi tamaşalardandır.
Fuad Xəlilov 14 oktyabr 2015-ci ildə Hollivudda vəfat etmişdir.
Mükafatları
- "Azərbaycan SSR əməkdar rəssamı" fəxri adı
- I dərəcəli "Vətən Müharibəsi" ordeni
- "Şərəf Nişanı" ordeni — 1980