Frida Piazza

Articul per Ladin Gherdëina

Anda Frida Piazza nasciuda Prinoth (*Urtijëi, 31 de jené 1922; † 3 de nuvëmber 2011 a Urtijëi) ie stata na scritëura y studëusa dl Ladin.

Vita

Muta de Franzisca Kostner da Stlujuc y de Zenz Prinoth da Brida, ie Frida nasciuda la quart'ultima de 18 danter surans y fredesc. Cun 17 ani ie Frida jita ti Paejes Tudësc a judé ora si sor che vivova iló. Do avëi fat na scola per nfermieres , iela jita a lauré tl spedel de Karlsruhe fin ala fin dla viera. De chëi ani à Frida scrit tla storia Adelia. Do la viera iela unida inò te Gherdëina y do avëi fat la scola d'ert de Urtijëi a Frida ziplà. La se à maridà cun un de si nsenianc Luis Piazza y à abù 4 danter mutans y mutons: Roswita, Leander, Costanza y Fidelio. Frida Piazza à scrit tl 1988 l prim roman ladin: L Nost. Tl 1977 à Frida giatà na uneranza dala Università de Dispruch per si nrescides sula rujeneda ladina. L chemun de Urtijëi a dat a Frida Piazza la varëta d'or tl 1999.

Scric

I primes scric de Frida Piazza ie bele stat publichëi cun l pseudonim popa tla plata Concordia cun Max Tosi y Tresl Gruber tl 1946. Frida Piazza ie stata na piuniera dla linguistica y dla glotologia ladina. La à fat deplù publicazions per ladin, danter chëstes La marueies de nosc albierch y l roman L Nost, dat ora tl 1988 da Walter Belardi y che vën cunscidrà l prim roman uriginel per ladin. La à fat truepa traduzions de operes de autores a livel mundiel (Cechov, Dante, Verlaine) y la à nrescì parores per gherdëina te deplù ciamps y dantaldut nce tla botanica. La ie nce stata scultëura adum cun si uem Luis Piazza. Frida Piazza firmova datrai cun l pseudonim F.P. (popa).

• Frida Piazza: L Mont di Vichings. Union di Ladins de Gherdeina Urtijei. (Per per mutans y mutons)
• Frida Piazza: L Nost Belardi, Walter: Narrativa Gardenese: Roma - Urtijëi, 1988. (Roman)
• Frida Piazza: La cater sajons.Union di Ladins de Gherdeina Urtijei. (Saggistica)
• Frida Piazza: La marueies de nosc albierch. Union di Ladins de Gherdeina, Urtijei 1988. (Saggistica)
• Frida Piazza: La udera da la Duleda. Union di Ladins de Gherdeina, Urtijei 1991. (Poejies)
• Frida Piazza: Menizles. Tradujedes de poesies curtes o pertes de poesies. s.a. 1999.
• Frida Piazza: Pitla ustoria dla eves, Presel, Bulsan 1977. (Saggistica)
• Frida Piazza: Stories de Anton Cechov. Urtijei 1968. (Prosa-traduzion)
• Frida Piazza: Taialonges y taiacurtes per majri y mendri. Typak, Urtijei 1968. (Poesis per mutans y mutons)
• Frida Piazza: Ustories d’Avent per mendri y majri. Presel Bulsan nuëmber 1990. (Prosa)