Franciszek Dunin-Rajecki

Францішак Дунін-Раецкі (польск.: Franciszek Dunin-Rajecki; каля 1780 — ?) — дзяржаўны службовец.

Паходзіў са шляхецкага роду Дунін-Раецкіх герба «Лебедзь».

У 1821—1824 годзе займаў пасаду маршалка шляхты Навагрудскага павета.

У 1817 годзе Францішак Раецкі пабудаваў у Райцы, на дамінуючым пагорку насупраць сядзібы, капліцу-пахавальню роду Раецкіх (цяпер царква). У памяць пра сына Атона, які памёр ва ўзросце 17 гадоў, паставіў у Райцы каменны слуп з выявай герба «Лебедзь».

Пахаваны ў крыпце радавой капліцы-пахавальні.

Радавы маёнтак Райца перайшоў у спадчыну да старэйшай дачкі Людвікі, якая прынесла яго Верашчакам.

У шлюбе з Барбарай з Мержаеўскіх (нар. каля 1780) меў дзяцей:

• Людвіка (нар. каля 1810), у шлюбе з Юзафам Верашчакам, навагрудскім маршалкам шляхты;
• Юзэфіна Марыя (1814—1877), у шлюбе з Казімірам Янам Умястоўскім (1804—1863);
• Аляксандра;
• Атон (пам. 1838).