Quick Facts
Biography
Firudin Qurbanov (tam adı: Qurbanov Firudin İsa oğlu; d.29 avqust 1952 - ci il, Agsu) — Azərbaycan Respublikasının təhsil nazirinin müavini (2014-cü ildən), Bakı Dövlət Universitetinin rektor əvəzi (2018–2019).
Həyat
Qurbanov Firudin İsa oğlu,29 avqust 1952-ci ildə Azərbaycan SSRİ Ağsu rayonunda anadan olub. Bakı şəhərində orta məktəbi bitirəndən sonra, 1974-cü ildə Azərbaycan Dövlət Xalq Təsərrüfatı İnstitutunun "İqtisadiyyat və planlaşdırma" fakültəsinə qəbul olunmuş və buranı fərqlənmə diplomu ilə bitirmişdir. 1974-1975-ci illərdə orduda xidmət edib. Evlidir, 2 övladı var.
Əmək fəaliyyəti
1975-1982-ci illərdə Elmi-Tədqiqat İqtisadiyyat İnsitututunda iqtisadçı, kiçik və baş elmi işçi vəzifələrində işləyib. 1982-1989-cu illərdə Moskva Kooperativ İnstitutunun Bakı filialında assistent, baş müəllim, dosent və dekan vəzifələrində işləyib. 1989-1994-cü illərdə Azərbaycan Respublikası Təhsil Nazirliyinin Dövlət İnspeksiyasında inspektor, aparıcı inspektor, baş inspektor, şöbə rəisi vəzifələrində işləyib. 1994-2007-ci illərdə Azərbaycan Respublikası Gənclər və İdman, Gənclər, İdman və Turizm Nazirliyində Elm və Təhsil şöbəsinin müdiri vəzifəsində işləyib. 2007-2014-cü illərdə Azərbaycan Respublikasının Mədəniyyət və Turizm Nazirliyinin Aparatının rəhbəri işləyib. Azərbaycan Respublikası Prezidentinin 18 iyul 2014-cü il tarixli müvafiq sərəncamı ilə Azərbaycan Respublikasının təhsil nazirinin müavindir.
1995-2002-ci illərdə Gənclər və İdman Nazirliyinin Elmi-Metodiki Şurasının sədr müavini, 2001-2005-ci illərdə Elmi-Metodiki Şurasının sədri olub. 1998-ci ildə Təhsil sahəsində islahatlar üzrə Dövlət Komissiyasının nəzdində işçi qrupunun üzvü, 2002-2005-ci illərdə Turizmin İnkişafı Dövlət Proqramının, 2003-2005-ci illərdə Yoxsulluğun Azaldılması və İqtisadi İnkişaf Dövlət Proqramlarının hazırlanmasında gənclər, idman, turizm və mədəniyyət sektorları üzrə işçi qruplarının sədri, BMT-nin İnkişaf Proqramı "Azərbaycan Respublikasında yoxsulluğun azaldılması məqsədilə daxili turizmin səmərəli inkişafının təmin olunması üzrə Azərbaycan Respublikasının Gənclər, İdman və Turizm Nazirliyinə İnstitusional yardım" (2004-2005-ci illər) layihəsinin milli direktoru olub. İngiltərə, Danimarka, ABŞ, İsveçrə, Fransa, Nepal, Uruqvay, Niderland, Almaniya, Türkiyə, İspaniya, Avstriya, Çin və s. xarici ölkələrdə beynəlxalq elmi konfrans, simpozium və seminarların iştirakçısı olmuş və aktual mövzularla çıxış etmişdir. İqtisadiyyat üzrə fəlsəfə elmləri doktoru, dosentdir.2006-2007-ci illərdə Azərbaycan Respublikası Gənclər və İdman Nazirliyinin, 2007-2014-cü illərdəAzərbaycan Respublikası Mədəniyyət və Turizm Nazirliyinin Kollegiyalarının üzvü, 2001-2008-ci illərdə Milli Olimpiya Komitəsinin üzvü olub.2003-cü ildə AFFA-nın elmi metodiki komissiyanın sədri, "Azərbaycan Respublikasında 2005-2015-ci illərdə futbolun inkişafına dair Dövlət Proqramı"nın hazırlanmasında İşçi Qrupun rəhbəri olub.2015-ci ilin mart ayında AFFA-nın İcraiyyə Komitəsinin üzvü, may ayında Tələbə Futbol Federasiyasının prezidenti seçilib.2007-ci ildə Azərbaycan Respublikasının Prezidentinin müvafiq sərəncamı ilə Azərbaycan Respublikasının milli təhlükəsizlik siyasəti sahəsində İşçi Qrupunun üzvü olub.Nərimanov rayon YAP təşkilatının idarə heyətinin üzvüdür.2011-ci ildə "dövlət qulluğunun baş müşaviri" ixtisas dərəcəsi verilib.
Tədqiqat sahəsi
- Bir monoqrafiya və 60-dan çox elmi əsərlərin müəllifidir.
Təltiflər və mükafatları
- 25 iyun 2011-ci il tarixli Azərbaycan Respublikası Prezidentinin müvafiq sərəncamı ilə "Dövlət qulluğunda fərqlənməyə görə" medalı ilə təltif olunub.
- 2014-cü ildə Mədəniyyət və Turizm Nazirliyinin "Fəxri mədəniyyət işçisi" döş nişanı ilə təltif edilmişdir.
| Azərbaycan Dövlət İqtisad Universiteti | |
|---|---|
| Rəhbərlər | Mehdi bəy İsmayılov • Rəşid Qayıbov • Məcid Quliyev • Həbib Hüseynov • Bilqeyis Həşimzadə • Əliqulu Fərəcov • Xurşud Məmmədov • Şamil Əliyev • Sərvər Aslanov • Zeynal Ələkbərov • Rahib Quliyev • Fuad Ələsgərov • Həsən Qasımov • İslam Qarayev • Əli Abbasov • Telman Hüseynov • Şəmsəddin Hacıyev • Ədalət Muradov |
| Departamentlər | Maliyyə və təminat • Beynəlxalq əlaqələr • Marketinq və kommunikasiya |
| Mərkəzlər | Tədris-metodiki • Tədrisin keyfiyyətinin qiymətləndirilməsi və idarə edilməsi • İnformasiya kommunikasiya texnologiyaları • Distant, qiyabi və əlavə təhsil • Magistratura • Elm və innovasiyalar |
| Şöbələr | İnsan resursları • Ümumi • Tələbə • Hüquq • Daxili audit • Hərbi və xüsusi • Təcrübə və işədüzəltmə • Hazırlıq • Təsərrüfat • Əməyin mühafizəsi və texniki təhlükəsizlik • Doktorantura • Elm |
| Fakültələr | SABAH • Beynəlxalq İqtisadiyyat • Rus İqtisad • Biznes və menecment • İqtisadiyyat • Əmtəəşünaslıq • Maliyyə və mühasibat • Texnologiya və dizayn • Türk dünyası işlətmə |
| Məzunlar | Əvəz Ələkbərov • Fazil Məmmədov • İsmət Abasov • Şahin Mustafayev • Mikayıl Cabbarov • Ramin Quluzadə • Elman Rüstəmov • Səttar Mehbalıyev • Səlim Müslümov • Heydər Əsədov • Elman Mehdiyev • Kərəm Həsənov • Rüfət Aslanlı • Ziyad Səmədzadə • Ceyhun Bayramov • Firudin Qurbanov • Sevinc Həsənova • Niyazi Səfərov • İlqar Fətizadə • İdris İsayev • Tahir Mirkişili • İlqar Rəhimov • Həmid Bağırov • Rauf Səlimov • Seyfəddin Talıbov • Çingiz Əsədullayev • Natiq Əmirov • Azər Bayramov • Azər Əmiraslanov • Süleyman Qasımov • Xanhüseyn Kazımlı • Mikayıl İsmayılov • Muxtar Babayev • Məmməd Musayev • Fəxrəddin İsmayılov • Qəşəm Bayramov • Əli Məsimli • Eldar Quliyev • İqbal Məmmədov • Alim Quliyev • Xəqani Abdullayev • Vadim Xubanov • Fərid Hüseynov • Əşrəf Kamilov • Aftandil Babayev • Emil Həsənov • Kamal İbrahimov • Nazim İbrahimov • Rəhman Hacıyev • Roman Əmircanov • Vaqif Həsənov • Telman İsmayılov |
| Şəhidlər | İlqar Əbilhəsənov • Habil Əzizov • Şahlar Şükürov • Rəmzi Əsgərov • Yusif Mirzəyev • Elşən Məmmədov • Mahir Mirzəyev |
| Digər | Dərbənd filialı • Zaqatalafilialı • İqtisadi Araşdırmalar Elmi-Tədqiqat İnstitutu • İqtisadçı Tələbələrin Elmi Fəaliyyətinə Yardım İctimai Birliyi • Quba kompleksi • Maliyyə-İqtisad Kolleci • İqtisadçı qəzeti • İqtisadçı Voleybol Klubu • İqtisadçı İntellektual Klubu |