Quick Facts
Biography
Нагъиев Фейзудин Рамазанан хва — лезги шаир, гьикаятчи ва публицист. Филологиядин илимрин кандидат, Дагъустандин медениятдин лайихлу кардар, «Шарвили» халкьдин премиядин лауреат.
Уьмуьрдикай
Нагъиев Фейзудин 1951 йисан 15 февралдиз СтIал Сулейманан райондин Агъа СтIалрин хуьре дидедиз хьана. Ада юкьван мектеб, Одессадин эцигунардай инженеррин институт, М. Горькийдин тIварунихъ галай Литературадин институт куьтягьна. Гзаф йисара эцигнурин идарайра кIвалахна. Ф. Нагъиева шииратдин ва гьикаятдин, драмадин ва публицистикадин эсерар теснифзава. Ам «Капал кхьинар», «Къванцел биришар», «Хважамжамни Яргъируш», «Цавай къвазвай муьгьуьббатдин авазар», «Терсепулда йиф» ва «Алпандин суракьда» ктабрин автор я. 1990 йисуз Ф. Нагъиева Магьачкъалада Лезгийрин "Шарвили" тIвар алай медениятдин меркез тешкилна, 1992 йисалай литературадин «Лезгистан» тIвар алай аслу тушир журнал акъудзава. Ф. Нагьиев литературадин месэлаяр жагъурунрал машгъул я. Ада 2000 йисуз «СтIал Сулейманан шииратдин ирс» тIвар алай илимдин ктаб печатдай акъудна. Шаир Лезги ва Урусатдин кхьирагрин союзрин член я.
ЭлячӀунар
- Персональный сайт
- Министерство культуры Республики Дагестан. Календарь знаменательных и памятных дат Республики Дагестан на 2011 год.
- Произведения Фейзудина Нагиева на стихи.ру