Ettore Sequi

Ettore Sequi është një diplomat dhe ambasadori i Bashkimit Evropian dhe kreu i delegacionit të Bashkimit Evropian në Shqipëri.

Sequi lindi më 13 shkurt 1957 në Oliena të krahinës së Sardenjës, Itali. Në 1985 i'u bashkua Shërbimit të Huaj Italian. Në 1988 shërbeu si Konsull i Italisë në Teheran. Sequi vjen në Shqipëri pas një misioni në Afganistan, fillimisht si ambasador i Italisë në Kabul dhe më pas si Përfaqësues Special i BE-së për Afganistanin dhe Pakistanin. Kjo është përvoja e dytë e tij në Shqipëri pasi që nga korriku i vitit 2000 deri në dhjetorin e vitit 2004 ka shërbyer si Zëvëndësshefi i Misionit të Ambasadës Italiane në Tiranë.