Quick Facts
CancerBiography
Eric William Mansfield Bowen (* 21. Juni 1908 in Belize-Stadt; †) weer en Ünnernehmer ut Brietsch-Honduras/Belize.
Leven
Bowen is 1908 in Belize-Stadt boren un weer op dat Diocesan College in Belize-Stadt. 1927 weer he toeerst tohoop mit sien Broder Richard as Geschäftsmann aktiv. He weer Kunsel för Noorwegen.
In de Johren 1930 weer he Direkter von de Corozal Sugar Factory un de Salt Creek Estate Ltd.
He hett 1932 dat Ünnernehmen Crystal Bottling Co. grünnt, dat Bruus herstellen dee un ut dat sik de Ünnernehmensgrupp Bowen and Bowen billt hett. En wichtigen Schridd för dat Ünnernehmen weer, as se 1962 von de Coca Cola Company de Rechten as exklusiven Affüller för Belize kregen hebbt. 1969 hett Eric Bowen tohoop mit sien Söhn Barry Bowen de Broeree Belikin grünnt.
He weer von 1939 bet 1942 Maat von’n Legislativraad von de Western Division von Brietsch-Honduras un is 1942 Maat von’n Legislativraad von de Belize Division worrn.
He weer veer Wahlperioden lang Präsident von de Hannelskamer von Brietsch-Honduras.
1961 is he von Königin Elisabeth II. to’n Officer of the Order of the British Empire (OBE) maakt worrn.
Familie
Bowen weer verheiraadt mit Emilie Josephine (* 1918), borene Blancaneaux, en Dochter von’n Botaniker Francis Joseph Blancaneaux (1852–1923). Sien Söhn Barry Bowen (19. September 1945– 26. Februar 2010) hett 1978 dat Ünnernehmen von em övernahmen.
Footnoten
- ↑ Lloyd Sydney Smith: The British Caribbean Who, What, why. Bell & Bain., 1955, Sied 533
- ↑ Karen H. Judd: Mary Hickey y la historia de Bowen, Amandala an’n 6. Juli 2019