![](https://pplstatic.nyc3.cdn.digitaloceanspaces.com/static/images/dummy-gradient.jpg)
Quick Facts
Biography
Elme Churr is ʼn Suid-Afrikaanse sangeres en liedjieskrywer van Pretoria wat aan die Hoërskool Wilgers matrikuleer het in 2004. In 2007 het sy haar graad in Musikale Teater aan TUT (Tswane Universiteit van Tegnologie) verwerf. Na haar studies het sy regoor Suid-Afrika begin toer met die Suid-Afrikaanse Barnyard Teater-geselskap vir sewe jaar. Churr was in verskeie verhoogproduksies, onder ander Dancing Queen, Super Troopers, Bonfire Hearts en Thank you for the Music. Sy het ook al in Hongkong en Zanzibar opgetree.
In 2017 het sy die Barnyard Teater-geselskap verlaat en op haar solo-loopbaan begin fokus. Haar eerste album getiteld: Rooiwyn en Liefde, waarvan die liedjie, Jy is Alles, ook opgeneem is vir ʼn musiekvideo – die video was ʼn prys wat sy gewen het by die Windpompfees Sangkompetisie in 2014.
Churr se enkelsnit, Unbroken Hearts, is gekies as die temalied van The Grove inkopiesentrum in Pretoria se Ice Spectacular vertoning wat deur die sentrum gehou is. Die liedjie is geskryf deur Nerine Gardiner en die komponering is deur Vaughan Gardiner behartig.
Haar inspirasie vir lirieke kom vanuit waarnemings uit haar omgewing, mense se stories en dit wat haar emosioneel aanraak. Churr se lirieke word geskryf met die doel om mense te inspireer en om ʼn storie aan die luisteraar oor te vertel. Churr se liefde vir musiek het van ʼn jong ouderdom begin, haar pa het orrel op Sondae gespeel, haar ma was ook by sanggroepe betrokke en haar oupa kon die Harmonica speel en saam het haar ouma en oupa ook Sondae in die kerk gesing.
Op skool het Elme aan musiekblyspele deelgeneem, asook solo-optredes. Meer onlangs het sy ook opgetree by korporatiewe funksies en het kliënte van verskeie groot handelsmerke gehad. Churr het ook haar verskyning op televisie gemaak as aanbieder of gas en is tans ʼn aanbieder op ʼn Netflix-program.
Afgesien van sang kan Churr ook kitaar, Harmonica en Ukulele speel.
Diskografie
Kos Vir My Siel (2019)
Snitte
- Kos Vir My Siel
- Bly Jou Bly (saam met Ben Churr)
- Iemand Soos Jy
- Jy’s Genoeg
- Vat Jou Sonskyn Saam
- Jy Maak Dit Moeilik
- Stukkende Vlerk
- Musiekvideo - Kos Vir My Siel: https://www.youtube.com/watch?v=BFaQzZud_qM