Eleutheria Ana de Palm

Eleutheria Ana de Palm (n. 18 di aprel 1833 na Boneiru - f. 26 di ougùstùs 1916 na Kòrsou), tambe konosi komo Sùr Marie Lucie, tabata e promé sùr di origen boneriano.

Eleutheria de Palm a nase komo katibu na Boneiru. Su libertat ta worde kumprá pa pader Basilio (1813-1884), na unda el a traha komo kria. Entre 1849 i 1862 pader Basilio tabata pastor di e parokia di Playa na Kralendijk. Dia 13 di yanüari 1856, na momento ku e surnan di Roosendaal a establese riba e isla, Eleutheria de Palm ta drenta e órden di sùrnan bou di e nòmber religioso di Sùr Marie Lucie. Despues di dje tabatin mas katibu ku a haña òf kumpra nan libertat i ku a bira sur.

Sùr Marie Lucie ta muri na e edat di 83 aña na Willemstad i a wòrdu dera na santana di e sùrnan di Habaai.