Edward Mrosso

Edward John Mrosso (alizaliwa mkoani Arusha), ni mwanasheria wa Kitanzania na wakili wa kujitegemea ambaye aliwahi kuwa mjumbe wa bodi ya maji mkoa wa Arusha (AUWSA) katika kipindi cha mwaka 2018 hadi 2021.

Mrosso ni mwanasheria na wakili ambaye ni mjumbe wa kamati za kiutawala wa Chama cha Wanasheria Tanganyika (TLS), alipata wadhifa huo baada ya kufanyika mchakato wa uteuzi wa chama hicho uliofanyika mnamo mwaka 2019.Katika shughuli za utalii nyanda za juu kaskazini, ni mdau kama mwekezaji na mjasiriamali.Pia ni mwenyekiti wa kamati ya fedha wa Jimbo kuu la kanisa Katoliki Arusha.

Mnamo mwaka 2020, aliyekuwa waziri wa maliasili na utalii, Hamisi Andrea Kigwangalla alimpongeza Mrosso kwa kuvutia wageni wa nje katika kampeni ya kuhamasisha ongezeko la utalii nchini Tanzania baada ya wimbi la changamoto ya ugonjwa wa uviko-19 (COVID-19) kuathiri uchumi na kupunguza idadi ya watalii wa nje ya nchi.

Mnamo mwaka 2018, Mrosso na mteja wake walikamatwa na vyombo vya sheria kutokana na maagizo ya aliyekuwa Mkuu wa wilaya ya Hai, Mkoa wa Kilimanjaro, Lengai Ole Sabaya na baadae kuachiwa huru kwa dhamana. Tukio hili lilihusisha changamoto za kutofuata taratibu na miongozo ya ukiukwaji wa mamlaka za viongozi wa Serikali na wadau wengine katika mimili ya sheria.