Quick Facts
Cancer
Biography
Էդուարդ Բրենցենս (լատիշ․՝ Eduards Brencēns, հուլիսի 2, 1885(1885-07-02), Riga County, Լիֆլանդիայի նահանգ, Ռուսական կայսրություն - ապրիլի 17, 1929(1929-04-17), Ռիգա, Լատվիա), լատվիացի նկարիչ, գրաֆիկ, թատերական նկարիչ, պատկերազարդող, դիզայներ:Լատվիայի մասնագիտական բեմանկարչության հիմնադիրներից:
Կենսագրություն
Էդուարդ Բրենցենսը ծնվել է գյուղացու ընտանիքում: Դպրոցն ավարտելուց հետո 1902 -1909 թվականներին (ընդհատումներով) Պետերբուրգի տեխնիկական նկարչության կենտրոնական դպրոցում (այժմ` Սանկտ Պետերբուրգի Շտիգլիցի անվան գեղարվեստաարդյունաբերական ակադեմիա) ուսանել է ապակու վիտրաժների աշխատանք: Ուսումն ավարտելուց հետո զարմիկի Կարլիս Բրենցենսի մոտ երկու տարի ուսումնասիրել է վիտրաժների արվեստ և ապակու գեղանկարչություն: Այնուհետև վերադարձել է Լատվիա: Սիրողական թատրոններում աշխատել է որպես դերասան և նկարիչ-բեմադրիչ:
Մասնակցել է Առաջին համաշխարհային պատերազմին: 1915 թվականին զորակոչվել է ռուսական բանակ, մասնակցել է մարտական գործողությունների, 1917 թվականին Գալիցիայում ծանր վիրավորում է ստացել: Առողջանալուց հետո զբաղվել է գեղանկարչությամբ, սկսել է աշխատել Վալմիերայի սիրողական լատիշական դրամատիկական թատրոնում:1918-1919 թվականներին ակտիվորեն մասնակցել է Վալմիերա քաղաքի մշակութային կյանքին, աշխատել է ուսուցիչ(մինչև 1921 թվականը), դասախոսություններ է կարդացել կերպարվեստի վերաբերյալ, կազմակերպել է ցուցահանդեսներ, աշխատել է իր կողմից ստեղծվածնկարիչների և գրողների միությունում: 1918 թվականին հիմնել է «Baltā vārna» («Սպիտակ ագռավ») նկարիչների միությունը:
1921 թվականին տեղափոխվել է Ռիգա, որտեղ աշխատել է նկարչության դպրոցական ուսուցիչ: Բրենցենսը եղել է Անկախ նկարիչների միության անդամ(1920 թվականից), մասնակցել է «Սադարբս» գեղարվեստական ընկերության ցուցահանդեսներին: Կյանքի վերջին տարիներին ապրել և դասավանդել է Մադոնա և Ցեսվայն քաղաքներում:
Էդուարդ Բրենցենսը հեղինակ է բնանկարների, դիմանկարների, առասպելական և պատմական կոմպոզիցիաների և գրքային նկարազարդումների: Մեծ ներդրում ունի լատիշական սցենագրության զարգացման բնագավառում:Բրենցենսի կտավներին և նկարազարդումներին (մասնավորապես, «1905 թվականին»)բնորոշ է դրամատիկական սիմվոլիկան և կերպարների արտահայտչականությունը:
Մահ
Մահացել է Ռիգայում, որտեղ էլ թաղված է:
Պատկերասրահ
«Ճանապարհ», 1927
«Կախարդված քույրերը» հեքիաթի նկարազարդում
Գրականություն
- Ilustrēts žurnāls - Rīga, 1926 - Nr. 4.
- Māksla un arhitektūra biogrāfijās. Atb. red. A. Vilsons - Rīga, 1995 - 1. sēj.
- Siliņš J. Latvijas māksla 1915-1940 - Stokholma, 1988 - 1. sēj.
Ծանոթագրություններ
- ↑ data.bnf.fr: տվյալների բաց շտեմարան — 2011.<a href="https://wikidata.org/wiki/Track:Q54837"></a><a href="https://wikidata.org/wiki/Track:Q19938912"></a>
- ↑ Red. Romis Bēms. Latviešu tēlotāja māksla. 1860 -1940. Rīga:Zinātne, 1986.342.lpp
Արտաքին հղումներ
Չափորոշչային վերահսկողություն | BNF: 16600198v · ISNI: 0000 0000 4591 7892 · LCCN: no96022218 · LNB: 000005564 · VIAF: 26655662 · WorldCat VIAF: 26655662 |
|---|---|
Չափորոշչային վերահսկողություն | BNF: 16600198v · ISNI: 0000 0000 4591 7892 · LCCN: no96022218 · LNB: 000005564 · VIAF: 26655662 · WorldCat VIAF: 26655662 |