Quick Facts
AriesBiography
Էդուարդ Արտավազդի Սեդրակյան (ապրիլի 8, 1944(1944-04-08), Վաղարշապատ, Հայկական ԽՍՀ, ԽՍՀՄ), հայ նկարիչ, մանկավարժ, պրոֆեսոր (2009): Հայաստանի նկարիչների միության (1979): «Հայ կիրառական արվեստների և դիզայնի միավորում» հասարակական կազմակերպության նախագահ (2014): ՌԴ-ի գեղարվեստների ակադեմիայի պատվավոր ակադեմիկոս (2015):
Կենսագրություն
Էդուարդ Սեդրակյանը ծնվել է 1944 թվականին, Էջմիածնում: 1963 թվականին ավարտել է Փանոս Թերլեմեզյանի անվան ուսումնարանը, 1969 թվականին՝ Երևանի գեղարվեստա-թատերական ինստիտուտը: 1963-1965 թվականներին նկարչություն է դասավանդել Ս. Սպանդարյանի անվան դպրոցում, 1972-1995 թվականներին՝ Խաչատուր Աբովյանի անվան մանկավարժական ինստիտուտի գծանկարչության և դիզայնի ամբիոնում: 1996 թվականին հիմնադրել է Գեղեցիկ արվեստների ազգային ակադեմիան և մինչև 2018 թվականը եղել այդ հաստատության հիմնադիր-ռեկտորը: 2009 թվականին Սեդրակյանին շնորհվել է պրոֆեսորի կոչում: 2019 թվականից դասավանդում է Երևանի Խաչատուր Աբովյանի անվան պետական մանկավարժական համալսարանի կերպարվեստի ֆակուլտետում:
Ցուցահանդեսներ
1971 թվականից մասնակցում է հանրապետական և միջազգային ցուցահանդեսների:
Անհատական ցուցահանդեսներ
- «Ղրիմյան բնանկար», Յալթա, 1974
- «Փարիզյան մտորումներ», Ճարտարապետության ազգային թանգարան-ինստիտուտի ցուցասրահ, Երևան, 2009
- Հայաստանի նկարիչների միություն, Երևան, 2013
- «Էդուարդ Սեդրակյան 75», Հայաստանի նկարիչների միություն, 2019
Պարգևներ և մրցանակներ
- ՀՀ կրթության և գիտության նախարարության ոսկե մեդալ, 2007
- ՀՀ մշակույթի և երիտասարդության հարցերի նախարարության պատվոգիր, 2007
- Բնական և հասարակության գիտությունների միջազգային ակադեմիայի Պավել Տրետյակովի անվան մեդալ` մշակույթի և արվեստի զարգացման համար, Մոսկվա, 2007
- Ռուսաստանի գեղարվեստի ակադեմիայի և «Դիզայներների միության» միջազգային ասոցիացիայի դիպլոմ՝ դիզայնի ասպարեզում լուրջ ներդրումներ ունենալու համար, Մոսկվա, 2007
- «Էթնո-էրատո» ազգային նորաձևության միջազգային մրցույթների հատուկ դիպլոմներ՝ ազգային արժեքների պահպանման և զարգացման համար, Ռուսաստան, 2007-2012
- Ռուսաստանի գեղարվեստի ակադեմիայի շնորհակալագիր, Մոսկվա, 2009
- Մոնղոլիայի մշակույթի կրթության և գիտության նախարարության հատուկ դիպլոմ, Ուլան Բատոր, 2009
- «Դիզայներների միության» միջազգային ասոցիացիայի Ալ. Ռոդչենկոյի անվան մեդալ, Մոսկվա, 2011
- ՌԴ գեղարվեստի ակադեմիայի հարավային տարածաշրջանի դիպլոմ՝ կերպարվեստի ոլորտում մեծ ներդրման համար, 2014
- Ռուսաստանի Գեղարվեստի ակադեմիայի և «Դիզայներների միության» միջազգային ասոցիացիայի շնորհակալագիր՝ «Грани большого города» 3-րդ միջազգային ցուցահանդեսի նախագծի կազմակերպմանն ու իրականցմանը աջակցելու համար, Մոսկվա, 2014
- Մոսկվայի Կառավարության «Մոսկովյան ազգությունների տան» շնորհակալագիրը՝ բազմազգ մշակութային ավանդույթների պահպանման ու զարգացման և «Էթնո-Էրատո-2014» ազգային նորաձևության միջազգային մրցույթի կազմակերպման ու անցկացման համար, Մոսկվա, 2014
- Ռուսաստանի Գեղարվեստի ակադեմիայի «Դիզայներների միության» միջազգային ասոցիացիայի և Ռուսաստանի նկարիչների ստեղծագործական միության դիպլոմ՝ դիզայնում մասնագիտական վարպետության և բարձր նվաճումների համար, Մոսկվա, 2014
Ծանոթագրություններ
- ↑ Էդուարդ Արտավազդի Սեդրակյանի մասին ՀՊՄՀ կայքում
- ↑ «Edward Sedrakyan»։ www.education.am։ Վերցված է 2019-04-22
- ↑ «Նկարիչ Էդուարդ Սեդրակյանի բնապատկերները ներկայացվեցին հանրությանը»։ armenpress.am (հայերեն)։ Վերցված է 2019-04-22 CS1 սպաս․ հայերենը նշված է (link)
- ↑ «Էդուարդ Սեդրակյանը նշելու է 75-ամյակը՝ անհատական ցուցահանդեսով» (en-US)։ Վերցված է 2019-04-22
Արտաքին հղումներ
