Quick Facts
Biography
Էդուարդ Սուրենի Արևշատյան (մայիսի 8, 1926({{padleft:1926|4|0}}-{{padleft:5|2|0}}-{{padleft:8|2|0}}), Երևան, ՀԽՍՀ, ԱԽՖՍՀ, ԽՍՀՄ - մայիսի 6, 2007({{padleft:2007|4|0}}-{{padleft:5|2|0}}-{{padleft:6|2|0}})), ճարտարապետ, ՀԽՍՀ վաստակավոր ճարտարապետ (1971)։
Սուրեն Արևշատյանի որդին է, Սեն Արևշատյանի եղբայրը։
Կենսագրություն
1950 թվականին ավարտել է Երևանի պոլիտեխնիկական ինստիտուտը։
1956 թվականից՝ Երևանի պոլիտեխնիկական ինստիտուտի դասախոս (դոցենտ՝ 1970 թվականից)։ 1966-1974 թվականներին՝ Հայաստանի ճարտարապետների միության նախագահի տեղակալ, 1972-1994 թվականներին՝ Երևանի գլխավոր ճարտարապետի տեղակալ։
Էդուարդ Արևշատյանի նախագծերով Երևանում կառուցվել են՝
- Հայկոոպի վարչության և Երքաղխորհրդի գործկոմի շենքերը (երկուսն էլ՝ 1954),
- «Ծիծեռնակ» միջազգային զբոսաշրջության ճամբարի շենքը (1956),
- Ուսուցիչների կատարելագործման ինստիտուտի շենքը (1986),
- Աբովյան փողոցի ստորգետնյա առևտրային կենտրոնը և հետիոտն անցումը (երկուսն էլ՝ 1985),
- Հայաստանի ամերիկյան համալսարանի շրջակայքի ճարտարապետական ձևավորումը (1981),
- Մարշալ Բաղրամյանի հուշարձանի պատվանդանը (քանդակագործ՝ Նորայր Կարգանյան, 2003)։
Ձևավորել է Բուենոս Այրեսի, Լոս Անջելեսի, Մոնրեալի միջազգային ցուցահանդեսներում Հայաստանի տաղավարները և այլն։
Պատկերասրահ
Մարշալ Բաղրամյանի հուշարձանը Երևանում
Ստեփան Լիսիցյանի կիսանդրի (Երևան)
Հուշարձան Երկրորդ աշխարհամարտում զոհվածներին, գյուղ Խաչիկ
