Edmond Tigranyan
Quick Facts
Biography
Էդմոնդ Արմենի Տիգրանյան (մարտի 22 (ապրիլի 4), 1911, Գյումրի, Շիրակի մարզ, Հայաստան - դեկտեմբերի 21, 1994({{padleft:1994|4|0}}-{{padleft:12|2|0}}-{{padleft:21|2|0}}), Երևան, Հայաստան), ճարտարապետ, ճարտարապետության դոկտոր (1984), ՀԽՍՀ վաստակավոր շինարար (1953)։
Կոմպոզիտոր, հասարակական գործիչ Արմեն Տիգրանյանի որդին, ՀԽՍՀ արվեստի վաստակավոր գործիչ, կոմպոզիտոր Վարդան Տիգրանյանի եղբայրը։
Կենսագրություն
1937 թվականին ավարտել է Լենինգրադի կոմունալ շինարարության ինստիտուտի ճարտարապետության բաժինը։ 1937-1940 թթ. աշխատել է Թբիլիսիում՝ Գ. Մ. Տեր-Միքելյանի գլխավորած «Կավտրանսպրոեկտ» ճարտարապետության արվեստանոցում, 1940-1960 թթ.՝ Երևանի տարբեր նախագծային ինստիտուտներում։ 1960 թվականից դասավանդել է Հայաստանի պետական ճարտարագիտական համալսարանում, (պրոֆեսոր՝ 1985 թվականից)։
Էդմոնդ Տիգրանյանի նախագծերով Վրաստանում կառուցվել են Սևծովյան երկաթուղային (Գագրա, Փոթի, Քոբուլեթ ) կայարանների շենքերը, կամուրջներ, բնակելի տներ, ակումբներ։
Հեղինակ է Երևանի երկաթուղային կայարանի (1949-1955), ԵՊՀ (1949-1965, 1971, 1982), Նուրբ օրգանական քիմիայի ինստիտուտի (1958-1965) համալիրների, Արևմտյան օդանավակայանի (1958), բնակելի և հասարակական շենքերի (1947-1956), Ջերմուկի թիվ 1 առողջարանի (1962) և այլն։
1987 թվականին Երևանում տեղադրված Արմեն Տիգրանյանի հուշարձանի ճարտարապետն է։
Պատկերասրահ
Նուրբ օրգանական քիմիայի ինստիտուտ
Արմեն Տիգրանյանի հուշարձանը Երևանում
Երևանի երկաթուղային կայարանի շենք
Երևանի երկաթուղային կայարանի շենք
Արմեն Տիգրանյանի հուշարձան (Գյումրի)