Dymitr Drucki-Lubecki

Дзмітрый Відуніцкі (Друцкі-Любецкі; каля 1500 — 1558) — князь, землеўласнік у Вялікім Княстве Літоўскім.

Паходзіў з княжацкага роду Друцкіх-Любецкіх герба «Друцк». Другі сын Рамана.

У 1545 годзе прадаў сваю частку Відуніч брату Івану. Пасля яго смерці адзіны сын Богуш атрымаў кіеўскія вотчыны, а маёнтак Худава адышоў да пасынка — князя Р. І. Сенскага і яго сястры Багданы.

Ажаніўся з Фенкай Полазаўнай, удавой князя І. Сенскага і спадчынніцай вялікіх вотчын баяр Полазаў на Кіеўшчыне. З ёй меў адзінага сына Богуша (каля 1530—1564).

• Насевіч В. Друцкія-Любецкія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 602. — 688 с. — ISBN 985-11-0314-4 (т. 1), ISBN 985-11-0315-2.