Donnie Sibarani

Donnie Cahyadi Sibarani (lair ing Surabaya, Jawa Timur, 14 Juli 1980; umur 39 taun) ya iku penyanyiné grup musik ADA Band saka Indonesia.

Donnie Sibaranie sing anggilut agama Kristen iki miwiti lumakuné ing donyané panglipuran minangka penyanyi kafe ing Surabaya. Nalika krungi yèn ADA Band lagi golèk calon penyanyi anyar kanggo ngganti Baim sing nembé waé metu, priya keturunan Batak iki langsung lunga menyang Jakarta saperlu mèlu audisi. Donnie resmi nyawiji karo ADA Band ing album Metamorphosis sing dibabar ing taun 2003.

Sawisé dadi salah sijiné punggawa ADA Band, grup musik iku njumbuhké ciri suarané Donnie sing ora patia nge-rock kaya déné Baim, kanthi njupuk aliran pop semi mellow. Sanadyan ora gampang mbrusak pangilingan pandhemen tumrap Baim sing lumayan raket, nanging alon-alon nyataeé album kapisan, Donnie karo ADA Band, Metamorphosis bisa diarani suksès, kadol punjul 300 èwu keping. ADA Band uga éntuk pangakon awit saka pangaji lan prèstasiné ing tataran musik Indonésia, antarané mlebu nominasi ing Anugerah Musik Indonesia (AMI) 2003 (4 kategori) lan Clear Top 10 Awards 2003 (3 kategori).

Ora mung sadrema kanggo pamanis, alumnus Fakultas Hukum Universitas Airlangga iki uga mbiyantu ngripta lagu-lagu ing ADA Band, antarané "Manusia Bodoh" lan sapérang lagu liyané ing album Heaven of Love.

Ing tanggal 10 Mèi 2014, Donnie bebrayan karo Sonya Prischilia Wattimena, ya iku adhiné paraga sinétron Jonas Rivanno. Sakloroné iki diparingi momongan, Kent Leopold Sibarani.

• SMA Negeri 14 Surabaya
• Universitas Airlangga, Kutha Surabaya, Sarjana Hukum

• Ada Band
  • 2002 - Metamorphosis
  • 2003 - Discography
  • 2005 - Heaven of Love
  • 2006 - Romantic Rhapsody
  • 2007 - Cinema Story
  • 2008 - Harmonious
  • 2009 - Mystery of Musical
  • 2011 - Empati
  • 2013 - Masa Demi Masa

• Erau Kota Raja (2015)

• Clothing Line Donnie Sibarani : @inodclothing

• (ing basa Indonésia) Profil ing situs KapanLagi.com.
• Artikel di bintang-indonesia.com

Cithakan:ADA Band