Diagmina Noval

Diagmina Noval Antuña (Llantero, Samartín del Rei Aurelio, 8 de mayu de 1942) ye una cantante asturiana de tonada.

Foi'l so maridu'l que la animó a presentase a concursos de canción asturiana. Ente los concursos que tien conquistao tán los de Piedrasblancas, L'Entregu, El Campu, Blimea, Xixón o Candás.

Nel añu 1973 grabó'l so primer discu col sellu Columbia, acompañada por otru cantante de dilatáu historial, Alfredo Canga. Más sero, en 1977, grabaríen un nuevu discu, nesti casu col sellu Dial Discos. Destaquen nestes grabaciones les canciones dialogaes interpretaes polos dos cantantes. Nel añu 2010 el Conceyu de Samartín del Rei Aurelio asoleyó un discu (Hai una lletra cantada) nel que participen 25 cantantes nacíos nel propiu conceyu, ente los que taba Diagmina Noval.

Diagmina tamién exerció de maestra coles nueves xeneraciones de la tonada destacando como alumna de so Anabel Santiago.