Dharanidhar Panigrahy

ଧରଣୀଧର ପାଣିଗ୍ରାହୀ (୨ ଜାନୁଆରୀ ୧୯୩୬ - ୧୭ ନଭେମ୍ବର ୨୦୨୦) ଜଣେ ଭାରତୀୟ ଓଡ଼ିଆ-ଭାଷୀ ସାହିତ୍ୟିକ ଓ ଶିକ୍ଷାବିତ ଥିଲେ । ସେ ଅର୍ଥନୀତି, ସମାଜତତ୍ତ୍ୱ, ସଂସ୍କୃତି ସମ୍ପର୍କିତ ନାନା ପ୍ରବନ୍ଧ ଅନୁବାଦ କରିବା ସହିତ ଅର୍ଥନୀତିରେ ଉଭୟ ଇଂରାଜୀ ଏବଂ ଓଡ଼ିଆରେ ପୁସ୍ତକ ତଥା ଓଡ଼ିଆ ସମ୍ବାଦପତ୍ର ଓ ସ୍ତମ୍ଭ ରଚନା କରିଥିଲେ । ସେ ତାଙ୍କର ସାହିତ୍ୟ ରଚନା ନିମନ୍ତେ ଉଭୟ କେନ୍ଦ୍ର ସାହିତ୍ୟ ଏକାଡେମୀ ଓ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଲାଭ କରିଥିଲେ । ସେ ନିଜ ରଚନାରେ ଓଡ଼ିଆରେ ପ୍ରାୟୋଗିକ ସମାଲୋଚନା ପ୍ରବନ୍ଧ ତଥା ରାଜନୈତିକ, ଅର୍ଥନୈତିକ ଓ ସାମାଜିକ ସମାସ୍ୟାବଳୀ ଉପରେ ଆଲୋଚନା କରିଥିଲେ ।

ବ୍ୟକ୍ତିଗତ ଜୀବନ

ଧରଣୀଧର ୧୯୩୬ ମସିହା ଜାନୁଆରୀ ୨ ତାରିଖରେ ଢେଙ୍କାନାଳ ଜିଲ୍ଲାର ହିନ୍ଦୋଳ ଅନ୍ତର୍ଗତ ବେରୁଆଁପାଳଠାରେ ଜନ୍ମଗ୍ରହଣ କରିଥିଲେ । ସେ ରେଭେନ୍ସା, ବିଜେବି ଓ ରାଜଧାନୀ ମହାବିଦ୍ୟାଳୟ ଆଦିରେ ଅଧ୍ୟାପନା କରି ୧୯୯୪ ମସିହାରେ ଅବସର ଗ୍ରହଣ କରିଥିଲେ ।

୨୦୨୦ ମସିହା ନଭେମ୍ବର ୧୭ ତାରିଖରେ ଭୁବନେଶ୍ୱରର ନୂଆପଲ୍ଲୀସ୍ଥିତ ନିଜ ବାସଭବନରେ ତାଙ୍କର ପରଲୋକ ଘଟିଥିଲା ।

ରଚନାବଳୀ

• ଚକ୍ରବର୍ତ୍ତୀ ରାଜଗୋପାଳାଚାରୀ (୨୦୧୫)
• ଅର୍ଥନୀତି ପ୍ରବେଶ
• ଅର୍ଥନୀତି ପରିଚୟ
• ମୁଦ୍ରାବ୍ୟାଙ୍କ ଓ ସରକାରୀ ବିତ୍ତ ବ୍ୟବସ୍ଥା
• ସରକାରୀ ବିତ୍ତ
• ଗ୍ରାମ୍ୟ ଶିଳ୍ପାୟନ
• ଭାରତୀୟ ଅର୍ଥନୀତି
• ରାଷ୍ଟ୍ରାୟତ୍ତ ଉଦ୍ୟୋଗ ଓ ଅର୍ଥନୈତିକ ବିକାଶ
• ରାଜନୀତିଜ୍ଞଙ୍କ ଭାରତବର୍ଷ
• ଅର୍ଥନୀତିକ ଭାରତ
• ମହାଭାରତ ପରେ
• ଆଞ୍ଜନେୟ
• ଶ୍ରୀମୟୀ ବୈଷ୍ଣୋ ଦେବୀ
• ଲୌହମାନବ
• ଭାରତ ବିକାଶ ପରିକ୍ରମା
• ରାଷ୍ଟ୍ରୀୟ ବିତ୍ତ
• କନିଷ୍ଠ ମାର୍ଟିନ ଲୁଥର କିଙ୍ଗ୍
• ଭାବଭୂମିର ଅମୃତାଲୋକ
• ପ୍ରବାଦ ପୁରୁଷ
• ଦ୍ୱାରିକା ମୋହନ ମିଶ୍ର (ସହଲେଖକ), ଅମୃତ ଅନୁଭବ

• ମ୍ୟାଡ଼େଲିନ୍ ସ୍ଲେଡ୍, ତୀର୍ଥଭୂମି ଭାରତ (୨୦୧୩)
• କରଣ ସିଂହ: ଆତ୍ମଜୀବନୀ
• ସନ୍ଥ ବିଭୂତି
• ମୃତ୍ୟୁ ପରେ
• ଜୀବନ ଓ ମୃତ୍ୟୁ ଦର୍ଶନ
• ଦ୍ୱାରିକା ମୋହନ ମିଶ୍ର (ସହଲେଖକ), ବ୍ରହ୍ମବାଦ ଦର୍ଶନ

ସମ୍ମାନ ଓ ପୁରସ୍କାର

• ଧରିତ୍ରୀ ସାରସ୍ୱତ ସମ୍ମାନ - ୧୯୮୨
• କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର - ୨୦୦୯ (କରଣ ସିଂହ: ଆତ୍ମଜୀବନୀ)
• ରାଜଧାନୀ ପୁସ୍ତକମେଳା ଶ୍ରେଷ୍ଠ ଅନୁବାଦ ପୁରସ୍କାର - ୨୦୧୦ (ମୃତ୍ୟୁ ପରେ)
• ଉତ୍କଳ ସାହିତ୍ୟ ସମାଜର ବିକ୍ରମ ଦାସ ଭ୍ରମଣ କାହାଣୀ ସମ୍ମାନ - ୨୦୧୧
• ସନ୍ଧ୍ୟାତାରା ସାହିତ୍ୟ ସଂସଦ ସମ୍ମାନ - ୨୦୧୧
• ଢେଙ୍କାନାଳ ଜିଲ୍ଲା ଲେଖକ ସଂସଦ ତରଫରୁ ରାଜ୍ୟସ୍ତରୀୟ ଶ୍ରୀଧର ସ୍ୱାମୀ ସମ୍ମାନ - ୨୦୧୨
• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଜୀବନୀ ଓ ଭ୍ରମଣ ସାହିତ୍ୟ) - ୨୦୧୫ (ଲୌହମାନବ)
• ଓଡ଼ିଶା ପାଠକ ସାହିତ୍ୟ ସଂସଦ ସମ୍ମାନ - ୨୦୧୫

ଆଧାର