Deborah Mencias McMillan

Deborah Mencias McMillan is en Politikerin ut Belize (UDP).

McMillan stammt ut San Ignacio.

Se hett en Bachelor in Engelsche Spraak an de St. Augustine’s University in Raleigh (North Carolina, USA) maakt, denn en Master in Education an de Fordham University in New York City un toletzt en Doctor of Education in Adult and Community Education an de Ball State University in Muncie (Indiana, USA) maakt.

14 Johr lang weer se Direktersche von dat Regional Language Center an de University of Belize. 2009 is se in de USA gahn un weer denn Associate Director von dat Intensive English Institute an de Ball State University.

McMillan is in’n Oktober 2006 för de UDP Maat von’n Senaat von Belize worrn, nadem de dree UDP-Senaters (Marcel Cardona, Arturo Roches, Ambrose Tillett) jemehr Mandate afgeven harrn, üm as Kannedaten för de Parlamentswahl in Belize 2008 antotreden. Von 2006 bet 2008 weer se Senatersche för de Oppositschoon un siet 2008 för de Regerung. McMillan hett den Senaat in’n Juli 2009 wedder verlaten, as se för ehren Job an de Ball State University in de USA tagen is. För ehr is Omar Figueroa narückt. McMillan weer 2008 bet 2009 ok Viezpräsidentin von’n Senaat.

Footnoten

1. ↑ Infos bi de Ball State University (engelsch)
2. ↑ UDP Names Three New Senators, 7 News Belize an’n 4. Oktober 2006
3. ↑ New Senator for UDP, The Guardian an’n 16. Juli 2009