David Kennedy

David KENNEDY (naskiĝis 1884 - mortis la 19-an de decembro 1975, en Bishop Auckland, Britio) estis brita esperantisto, honora membro de UEA.

Li aktivis en la Movado pli ol 60 jarojn, estis longe komitatano, poste estrarano kaj inter 1953 kaj 1956 vicprezidanto de UEA. Dum multaj jaroj li estis ankaŭ konsilanto kaj vicprezidanto de Brita Esperanto-Asocio kaj plenumis plurajn aliajn laborojn en la enlanda kaj intemacia Esperanto-movado. Ĉar li estis lernejestro, lia aktiveco aparte sentiĝis en tiu movada kampo. Ekde Antverpeno en 1911 ĝis Londono en 1971 li partoprenis entute 43 universalajn Kongresojn, kio sendube estas siaspeca rekordo.

Kun aliaj kunlaborantoj li verkis studon La nuna stato de la instruado de la internacia lingvo en la lernejoj (1963) kaj kunlaboris ankaŭ ĉe Skota antologio.