Quick Facts
Biography
De Damis (altgriech. Δᾶμις) isch ane 724 v. Chr. im Erst Messenische Chrieg de Feldherr vo de Messenier gsii. Er stammt usem Gschlecht vo de Aipytide.
Wo ane 724 v. Chr. de messenisch König Aristodemos sich am Graab vo sinnere Töchter selber umbroocht hett, isch de Damis zom Feldherr vo de Messenier gwäält wore. Dozmool isch o de spartanischi König Theopompos gstorbe, wo gege Messenie Chrieg gfüert hett. Demm sii Noofolger, de König Zeuxidamos hett d Messenier a de Ithome bilageret und di bifestigti Stadt noch fööf Mönet iignoo.
E Tail vo de Messenier isch usem Land gfloche. D Noofaare vom eemoolige ermordete messenische König Androkles hend aber vo de Spartaner s Piet Hyameia öberchoo. Im Land um Rhion hend d Spartaner d Asinäer agsidlet, wo churz vorene us de Argolis vertribe wore sind.
D Historizität vo de literarisch uusgschmückte Ereignis werd vo de Forschig kritisch biwertet und d Jooresaagoobe bim Pausanias wered as faltsch aglueget, und söttet öppe vierzg Joor spööter agesetzt were.
Quelle
- Pausanias, Raise z Griecheland 4.10.5, 4.13.5 ff.
Ainzelnoowiis
Literatur
- Nino Luraghi: The Ancient Messenians: Constructions of Ethnicity and Memory. Cambridge University Press, Cambridge/ New York 2008, ISBN 978-0-521-85587-7. S. 97.