Cobi van Hulst

Cobi van Hulst (Deurne, 1967) is in byldzjend keunstner út Cuijk.

Har oplieding krige se oan akademy Bijlenveld yn Amsterdam (2006) en keunstakademy ArtEz yn Arnhim (2008), mar fral ek troch Mirso Bajramovic (2002 - 2006) en Dick Tasma (2006 -2007). Neist in byldzjende oplieding hat se Nederlânsk studearre yn Nymwegen. Dêrtroch is hja ôfstudearre op de relaasje tusken literatuer en byldzjende keunst: har eigen dilemma.

Nei de middelbere skoalle begûn se oan in moade-akademy, mar dat foldie lang net en hja folge ferskate opliedings dy't op neat útrûnen. Se keas foar de keunst en fernaam dat it tekenjen fan hannen lestich wie. Dêrom lei hja har dêr krekt op ta. Underwerpen fan har wurk binne faak hannen; eartiids ek oare lichemsdielen fan minsken. Yn it earstoan op doek mei har eigen hannen en dy fan har man, mar ek hieltiten faker mei in oar minsk. It tal kleuren is beheind mar de nuânses binne faak grut. Hja makket faak 'koppen' en dan benammen dy mei in ferhaal. By de portretten is in besteand figuer it útgongspunt.

Eksposysjes fan har wurk wienen te sjen yn Amsterdam, Arnhim, Heemstede, de Mariënburgkapel fan Nymwegen en yn Cuijk. Se hat in atelier oan hûs.

Boarnen, noaten en referinsjes