Clemente Ruero

Si Clemente Ruero (namundág mga-1845), dating gobernadorcillo kan Canaman, Camarines Sur kan 1873-1874, kabáli sa sarô sa mga pinaka-maimpluwensya asín pinakamayáman na pamilya sa banwáan.

Sa saróng saysay nin kamugtákan kan pagbúhay sa munisipalidad, nasambít na igwá siyáng dagáng erokán sa halagáng 250 pesos. Siring man, igwá siyáng dagáng tanúman sa Togpaan na nagtaóng 75 pesos na halagá nin gusi kan 1871.

Sa edad na 51, kan termino ni Don Antonio Zuñiga, giníbo siyáng Juez de Paz kan banwáan. Mantáng pakatalingkás kan Camarines kan 18 September 1898, hinatód ni Ruero sagkód saíyang mga pamangkín si Fray Francisco del Piego gamít an saíyang caruaje na igwáng pabálon na saróng sakong mga buláwan na barria. An pinakahúring prayleng kura kan banwáan nagbakláy pa-Quipayo parayò sa Ciudad de Nueva Caceres, na saróng taón nang binayáan kan obispong si Arsenio Campo

Napangagóm niyá si Petrona Portugal, saróng parahábol asín nagkaigwáng sindáng tolóng akì: sindá Saturnino, Cipriano sagkód Eulalia. An saíyang kangudán nagpaagóm ki Juan Requejo, an pinakaenot na presidente municipal kan bàgong Canaman.