Claudine Mahy

Claudine Mahy a skepyî li 29 di djun 1937. Elle a morou li 11 di decimbe 2017.

C' esteut ene tchanteuse e walon, ki fjheut totes ses tchansons leye-minme.

Dispu si stroete plake «Mémé Loubard», elle esteut spotêye insi.

Ele djåzéve voltî walon avou les waloneus (çou k' est foirt råle emey les tchanteus e walon).

Di s' mestî, elle a stî tchåfresse di camion (li prumire feme del Beldjike a fé çoula); pu boledjresse; pu adon, fé dins les mousmints, purade so les martchîs.

• Sitroete plake avou l' tchanson "Mémé Loubård"

• Afitche d' onk di ses concerts

Ses tinmes estént kécfeye classikes : c' esteut des tchansons po rire come "dj' e fwin" u des sovnances do vî tins come "li kénket d' houyeu". Ele a eto rindou bon dvwer a s' payis d' Tchålerwè et d' Djumet.

Mins ele sava eto paskiyî so des sudjets modienes : li sida; les djonnes "loubårds", l' evoyaedje des Casques bleus el Yougoslaveye, les Indyins d' Amerike.

Ele tchantéve don les rujhes et lesespwers des spotchîs, des cis ki n' ont nén l' droet d' dire grand tchoi dins no monde emacralé pa les liårds.

Elle ratournéve leye-minme ses tchansons e francès, et tchantéve dins les deus lingaedjes

Costé muzike, ele fourit ene des prumire a-z asprouver l' walon dins del musike blouze.

Ele ni cwirt nén a fé des tecses literaires. Ele dit ki les djonnes ni comprindnut pus foirt li walon. Po les assaetchî, po k' il aprindexhe les tecses, pu les rtchanter après, i fåt des mots simpes, fouxhénxhe-t i des francijhas.

• Dj' a fwin (tchanson d' ene djin k' a boun apetit et ki doe fé redjime)
• Mémé Loubard (k' a wangnî on pris a l' RTBF, et passer so les radios d' Beldjike et d' France)
• Li kénket d' houyeu: rapele si djonnesse

Elle fijheut des stroetès plakes avou des tchansons e francès ey e walon. Si produjhaedje: 4 plakes 45 toûs, 4 cassetes odio, 7 sitroetès plakes.

• Sacwants tecses di tchansons (so l' Aberteke)
• Ene di ses tchansons, so les Indyins

1. ↑ RTL info, li 12 di decimbe 2017
2. ↑ Danielle Trempont, Djamåy trop tård po "Mémé Loubård", El Bourdon 538
3. ↑ Danielle Trempont, come ådzeu, tecse riprins din l' Bourdon 703 (fevrî 2018).
4. ↑ Achille Goethals, El Bourdon 703 (fevrî 2018) p. 3.